Yowano 6:21 - Livulu lya Shukulu Kalunga

²¹ Asinoni vatavele kumukovelesa mu vwato, co vwasi-vwasi vwato vwetele ku nunda ku mutambela kuje vakele nakuya.

Yowano 6:21 Iomraidhean Croise

Myaso ya Solomoni 3:4

Akuvaseza kasimbu kakandondo, njamuwanene uje injazema mu mwonyo wange. Njamukwatele, co kunjatavele kumwecela, noo njamutwalele mu njuvo ya vanana, ku mulili uje vanjikitilile.

Mako 6:51

Asinoni wakovelele mu vwato muje muvakele, co lihunzi lyalendamene. Co vandongisi valikomokelele,

Yowano 6:20

Oloni Yesu wavalekele ngwendi, “Kesi muzive lyova, yange!”

Yowano 6:22

Alikaki mbunga vaje vasalele musambwa ya lishali vamwene ngeci kukwakele vwato vweka kuvanga vumolika. Co vazivukile ngeci Yesu kakovelele mu vwato amo na vandongisi vendi, oloni vandongisi vendi vaile avo lika.

Kujombolola 3:20

Tolilila! Njinemana ku lipito nakutota, nga umo aziva lijwi lyange nakushokolola lipito, njikakovela mu njuvo yendi nakulya amo nendi, na ikeye lalo akalya amo nange.