Yowano 6:2 - Livulu lya Shukulu Kalunga

² Co mbunga yakama vamukavele, omwo vamwene vizivukiso vyendi vyakukangwisa vaka-kuvinja.

Yowano 6:2 Iomraidhean Croise

Mateo 12:15

Omo Yesu wazivukile vya vutumbe vwakumutsiya, watundile kuje, co vanu vavangi vamukavele. Co wakangwisile vaka-kuvinja vavavangi,

Mateo 13:2

Co mbunga yakama vakungulukile kuli ikeye nakumuzengeleka, ngecivene, wakovelele mu vwato nakutumbamamo, co vimbunga vyoshe vemanene a nunda.

Mateo 14:14

Yesu watundile mu vwato, co omo wamwene mbunga yakama, wavazivilile mema ku mbunge, co wakangwisile vaje vakele nakuvinja.

Mateo 8:1

Omo Yesu washelumukilile ku munkinda, mbunga yakama vamukavele.

Mako 1:45

Oloni uje munalume waile, co washangumukile kushandola ije n̄anda kwoshe-ikwoshe. Mwa vushunga vene, wambulwile manene ngeci Yesu kasele kuya mu nganda citona-mesho. Oloni wakele kwendi lika, co vanu vezile kuli lkeye vatundile kwoshe-ikwoshe.

Mako 6:33

Vanu vavangi vavamwene omo vaile, co vavazivukile, ngecivene, vasezele membo avo oshe vashatukilile lumbisi a nunda nakweta ku mutambela uje kulutwe lwa Yesu na vandongisi vendi.

Yowano 11:47

Ngecivene, vaFaliseo na vakulunu va vaka-kukombelela valiwanene na vaka-Munga, co vendekele ngwavo, “Tulinga vati? Omwo kengeni vizivukiso vyoshe vyalinakulinga ou munalume!

Yowano 12:18

Evi vikevyo vyanenesele mbunga ngeci valiwane nendi, omwo vazivile ngeci nalingi cikomokeso eci.

Yowano 12:37

Nameme walingile vizivukiso vyavingi ku mesho avo, oloni kuvakulaelele kuli ikeye,

Yowano 2:11

Yesu walingile eci cizivukiso cakulivanga ku Kana mu Ngalileya, kuje kwasholwele vumpau vwendi, co vandongisi vendi vamukulaelele.

Yowano 2:23

Omo Yesu wakele mu Yelusalema a simbu ya Ciwano ca Pasovala, vavangi vakulaelele kuli ikeye akumona vizivukiso vije vyalingile.

Yowano 20:30

Yesu walingile vizivukiso vyavingi vyeka na vyeka ku mesho a vandongisi vendi vije kuvasonekele mu livulu eli.

Yowano 3:2

Munalume ou waile kuli Yesu vutsiki, co wendekele kuli ikeye ngwendi, “Mulongisi, twazivuka ngwetu yove u mulongisi wakutunda kuli Njambi. Omwo naumo wai asa kulinga vizivukiso viwulinakulinga kuvanga Njambi akale amo nendi.”

Yowano 6:14

Omo vanu vakele kuje vamwene cikomokeso eci calingile Yesu, vendekele ngwavo, “Mwa vushunga ou ikeye Muka-kwimanena uje naija ano a kaye!”

Yowano 6:22

Alikaki mbunga vaje vasalele musambwa ya lishali vamwene ngeci kukwakele vwato vweka kuvanga vumolika. Co vazivukile ngeci Yesu kakovelele mu vwato amo na vandongisi vendi, oloni vandongisi vendi vaile avo lika.

Yowano 6:26

Yesu wavakumbulwile ngwendi, “Mwa vushunga njimileka ngwange, munanjishakezeka kesi omwo mwamwene vizivukiso vyange embwe, oloni omwo mwalile makende nakukuta.

Yowano 6:30

Ngecivene, vamukumbulwile ngwavo, “Cizivukiso muka ulinga ngeci tucimone, co tukukulaele? Vipangi mukajo ukalinga?