Yowano 5:7 - Livulu lya Shukulu Kalunga

⁷ Uje munalume muka-kuvinja wamukumbulwile ngwendi, “Shukulu, kunjesi na munu wakunjikovelesa mu lishali omo mema atupuka, omo njeseka ngwange njikovelemo, weka lalo alivangamo.”

Yowano 5:7 Iomraidhean Croise

Myaso 142:4

Njikenga ku livoko lyange lya cilyo nakumona, oloni naumo wai asa kunjikwasa, naumo wai asa kunjinyunga, naumo wai asa kunyunga mwonyo wange.

Myaso 72:12

Apatula tuutu vaje vatambeka kuli ikeye, vaje voshe vanajeneka na vaje vavanayengula ikeye avapatula.

Yowano 5:2

Kuje ku Yelusalema kuyehi na Cikolo ca Vimanga kwakele lishali lyakele na mambalanda atanu, mu ndaka ya ciHevelu valitumbwile ngwavo Mbetezasa.

Yowano 5:3

Mbunga yakama ya vaka-mishongo valalele muje mu mambalanda, tupuputwa, na vilema, na vaka-kalepa. Vavandamenene mema atupuke,

Yowano 5:4

omwo kangelo ka Mwene a simbu na simbu washulukile muje mu lishali nakutupwisa mema. Woshe muka-kuvinja alivangamo, enduka ku mushongo wendi.

Yowano 5:6

Yesu wamumwene nalala kuje, co wazivukile ngwendi uje munalume washwile laja kuvinja, ngecivene, wamwihwile ngwendi, “Ushaka kukanguka ndi?”

Loma 5:6

Omwo a simbu ije twapwile tuvakuzeya, Kilistu watsililile vaka-vuvi a simbu ije yaangwile Njambi.

1 Kolinte 9:24

Mwa vushunga mwazivuka ngweni mu vweho vwa vaka-kushatuka, vaka-kushatuka voshe vashatuka amo, oloni umolika wavo ikeye atambula fweto. Ngecivene, shatukeni, mu ngila eyi vene ngeci mutambule fweto.

Kwituluka mu Mashiko 32:36

Shukulu Kalunga akapatula vanu vendi, omo akamona ngeci nzili yavo inahu. Ikeye akakala na mema ku mbunge ali vaje vamupangela, omo akavamona ngeci vanazeye.