Yowano 5:39 - Livulu lya Shukulu Kalunga

³⁹ Mulinakulilongesa Visoneka, omwo muyongola ngweni mu vikevyo muwanamo mwonyo wa myaka yoshe. Co visoneka evi vyambulula vukaleo vwange!

Yowano 5:39 Iomraidhean Croise

Myaso 1:2

Oloni ikeye avwaelela mukwononoka lishiko lya Shukulu Kalunga, co aliyongola mutanya na vutsiki.

Myaso 119:11

Mashiko ove njinaanyungu mu mbunge yange, ngeci kesi njivulumune kuli yove.

Myaso 133:3

Cinafu lalo ngwe lime lya ku Munkinda wa Helemone, lije lijemukila a malundu a Siyone, kuje Shukulu Kalunga wakulaesele kuvezikisa vanu vendi, kuvavezikisa mwonyo wa ku myaka yoshe.

Myaso 16:11

Unanjimwesa ngila itwala ku mwonyo, co njivwaelela kukala kuyehi nove, simbu yoshe njivwaelela akunyunga kwove.

Myaso 21:4

Ikeye wakulombele mwonyo, co wamwanenewo, mwonyo wa myaka yoshe.

Myaso 36:9

Yove ukaana mwonyo ku vyuma vyoshe. Omo a ceke cove twasa kumona ceke.

Visimo 6:23

Vilongesa vyavo vyapwa ceke, kunangula kwavo kukakulongesa mwakuyoyela.

Isaya 34:16

Shakezekeni mu livulu lya Shukulu Kalunga lya vikashama vakuyoya mulave vije vilyendeka. Nacimo cai cuma cakutanga cikajenekamo, co cuma cakutanga nacimo cai cikajeneka kukala na cikwavo. Shukulu Kalunga ikeye nashiki ngeci vifwemo, ikeye vavenya akavikungulwila amo.

Isaya 8:20

Co yeni vakumbululeni ngweni, “Tolilileni ku vije vyamilongesa Shukulu Kalunga! Kesi mutolilile kuli vaka-kwendeka na vakulu mbwe, vije vivamileka kuvyasa kumikwasa.”

Njelemiya 8:9

Vanu veni vaka-mana vali mu citanga, co vakavakwata nakuvazivisa shwamwa. Vanavyana majwi ange, mana akajo valinawo?

Ndanyele 12:2

Co vungi vwa vaje vatsile laja vakakala lalo na mwonyo. Vamo akati kavo vakakala na mwonyo ku myaka yoshe, co vakwavo vakakala na shwamwa yakama ku myaka yoshe.

Mateo 22:29

Oloni Yesu wavakumbulwile ngwendi, “Yeni mwasevuka! Omwo kumuzivuka Visoneka nambe nzili ya Njambi.

Mako 10:3

Yesu wavakumbulwile ngwendi, “Lishiko muka lyamyanene Mosesa?”

Mako 12:10

Mwa vushunga kumwalavele majwi awa mu visoneka ndi? ‘Limanya lije livavyanene vaka-kutunga, likelyo ololo linapu lya seo kuli voshe.

Luka 16:29

Avilahama wamukumbulwile ngwendi, ‘Vandolome vove vali na Mosesa na vaka-kwimanena vasa kuvanangula, co vandolome vove vanapande kutolilila vije vavaleka.’

Luka 16:31

Oloni Avilahama wendekele ngwendi, ‘Nga kuvatolilila kuli Mosesa na kuli vaka-kwimanena, kuvasa kutolilila nambe nga umo asanguka ku vatsi.’ ”

Luka 24:25

Co Yesu wendekele kuli vakevo ngwendi, “Eni vilema vaka-kwishwala kukulaela vije vyoshe vivendekele vaka-kwimanena!

Luka 24:27

Co Yesu washangumukile kuvanungulwila mu Visoneka vyoshe vyuma vije vendekele vyakutumbula ikeye, kushangumuka na mavulu a Mosesa nakutwala ku visoneka vya vaka-kwimanena voshe.

Luka 24:44

Co wavalekele ngwendi, “Evi vikevyo vyuma vije njamilekele omo njakele neni ngwange, vyuma vyoshe vije vasonekele mu Lishiko lya Mosesa, na mu visoneka vya vaka-kwimanena, na mu Myaso vyakunjitumbula yange vinapande kulingiwa.”

Yowano 1:45

Filipu wawanene Natanele, co wamulekele ngwendi, “Tunawana uje yasonekele Mosesa mu livulu lya Lishiko, uje lalo ivasonekele vaka-kwimanena. Ikeye Yesu muna Yosefa, wa ku Nazaleta.”

Yowano 5:32

Oloni kwali weka akwambulula vukaleo vwange, co njazivuka ngwange vukaleo vuje alinakwambulula ali yange vunapu vwa vushunga.

Yowano 5:36

Oloni yange njili na vukaleo vwakutuvakana vukaleo vuje vwambulwile Yowano, omwo evi vinjilinga, vinapu vipangi vije vyanjanene Tate ngeci njivilinge, evi vilinakwendeka ali yange mukumwesa ngeci Tate wanjitumine.

Yowano 5:40

Oloni kumushaka kwija kuli yange ngeci mukale na mwonyo.

Yowano 5:46

Nga mwa vushunga mwakulaelele kuli Mosesa, nga munakulaela lalo kuli yange, omwo wasonekele vyange.

Yowano 7:52

Vakevo vamukumbulwile ngwavo, “Mwamuvwa, kuma nove lalo utunda ku Ngalileya ndi? Lava mu Visoneka, co uwana ngeci naumo wai muka-kwimanena akatunda ku Ngalileya.”

Vilinga vya Miluwa 13:27

Omwo vanu vaje valinakuyoya mu Yelusalema na vantwama vavo omwo kuvazivukile ngeci ikeye napu Muyoyesi, nambe kuzivisisa majwi a vaka-kwimanena aje avakalava a Litangwa na Litangwa lyoshe Lyakuhwima. Nameme ngoco valingisile majwi a vaka-kwimanena kupwa a vushunga omo vawanenene Yesu mulonga.

Vilinga vya Miluwa 17:11

VaYunda vakuje vapwile vakushokoloka ku vimbunge kutuvakana va ku Tesalonika. Omo vatolililile ku lijwi na vimbunge vyakuzituka, co a litangwa na litangwa valilongesele Visoneka kumona nga vije vyendekele Paulu vyapwile vya vushunga.

Vilinga vya Miluwa 26:27

Mwene Angilipa, unakulaela vaka-kwimanena ndi? Njazivuka ngwange unakulaela!”

Loma 1:2

Vin̄anda Vyavivwa vavikulaesele ku san̄ulu kuli Njambi muli vaka-kwimanena vendi, ngwe muvanasoneka mu Visoneka Vyakujela.

Loma 3:2

Cuma cakama manene mu vingila vyoshe! Mu mutambela wakulivanga, Njambi wakundikile lijwi lyendi kuli vaYunda.

Kwituluka mu Mashiko 18:15

Shukulu Kalunga Njambi yeni akamitumina muka-kwimanena ngwe yange wakutunda akati keni vavenya, co mukamwononoka.

Kwituluka mu Mashiko 18:18

Njikavatumina muka-kwimanena wakufwa ngwe yove wakutunda akati kavo vene. Co njikamuleka evi akendeka, co ikeye akaleka vanu vyuma vyoshe vinjikamushika.

Kwituluka mu Mashiko 29:29

“Vyuma vya vushweke vyapwa vya Shukulu Kalunga Njambi yetu, oloni najombolola Mashiko endi, ngeci yetu na vatekulwila vetu tuwononoke nakuwanyunga ku myaka yoshe.

Kwituluka mu Mashiko 32:47

Vilongesa evi kesi majwi angoco aje kuwesi na seo embwe. Vikevyo vene vinapu kuyoya kweni. Vyononokeni, co mukayoya simbu yakama mu lifuti lije lili musambwa ya Ndonga ya Yondau, lije muli kuyehi nakulishwana.”

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.

VaHevelu 11:16

Oloni vakele na sholovya ya lifuti lyalivwa, lifuti lya mwilu. Ngecivene, Njambi kesi na shwamwa omo vamutumbula ngwavo ikeye Njambi yavo, omwo navavwaesela nganda yavo.

VaHevelu 11:35

Akukulaela vanakazi vatambwile vavushoko vwavo va kutsa vaje vasangukilile ku mwonyo. Vamo vamwene tuyando twakama, kuvatavele kutambula kupatuka ngeci vatambule cisangukilo lalo ca mwonyo wauvwa.

Yoshwa 1:8

Livulu eli lya Mashiko lilave kutambekela simbu yoshe omo mukunguluka. Co lilongeselyo mutanya na vutsiki, ngeci wononoke vyuma vyoshe vije vivasonekamo. Co ukavezika nakukala mwamuvwa mukuyoya kwove.

Kujombolola 19:10

Co njawililile ku myanja yendi ngeci njimulemese, oloni wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni lalo voshe vaje vakakateya ku vushunga vuje vwasholwele Yesu. Lemesa Njambi!” Omwo vushunga vuje vwasholwele Yesu vukapangesa vaka-kwimanena.