Yowano 5:37 - Livulu lya Shukulu Kalunga

³⁷ Co Tate, uje wanjitumine, alinakwendeka vukaleo ali yange. Kanda muzive lijwi lyendi, nameme kumona cihanga cendi,

Yowano 5:37 Iomraidhean Croise

Kutuuka 20:19

Vendekele kuli Mosesa ngwavo, “Nga yove wendeka kuli yetu, co tukakutolilila, oloni yetu tuli na lyova nga Njambi endeka kuli yetu, co tukatsa vene.”

Isaya 26:10

Nameme umwesa ngozi kuli vaka-vuvi, kuvesi kulilongesa kulinga vushunga. Nameme mu lifuti muli vaka-vushunga, oloni vaka-vuvi anga vatwalelelao kulinga vuvi, kuvesi kumona vukama vwove.

Mateo 17:5

Omo wacikele nakwendeka, lishelwa lyakuvyazima lyavafwikile, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, njilinakuvwaelela ali ikeye, mutolilileni!”

Mateo 3:17

Co mwilu mwatundile lijwi ngwalyo, “Ou ikeye Munange injazema, njilinakuvwaelela ali ikeye.”

Mako 1:11

Co mwilu mwatundile lijwi ngwalyo, “Yove u Munange injazema. Njilinakuvwaelela ali yove.”

Luka 24:27

Co Yesu washangumukile kuvanungulwila mu Visoneka vyoshe vyuma vije vendekele vyakutumbula ikeye, kushangumuka na mavulu a Mosesa nakutwala ku visoneka vya vaka-kwimanena voshe.

Luka 3:22

co Munzinzime Wakujela washulukile ali ikeye mu cifwa ngwe katela. Co mwilu mwatundile lijwi ngwalyo, “Yove u Munange injazema, njilinakuvwaelela ali yove.”

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Yowano 14:9

Yesu wakumbulwile ngwendi, “Njinakala neni muvavoshe simbu yakama, oloni kuwanjizivukile, Filipu? Woshe uje nanjimono namono Tate. Omwo vikajo wendeka ngwove, ‘Tumwese Isho’?

Yowano 15:24

Nga kunjalingile vyuma vije naumo wai wavilingile akati kavo, kuvesi na vuvi, oloni vanamono vije njalingile, co vatuzinda nange na Tate.

Yowano 5:32

Oloni kwali weka akwambulula vukaleo vwange, co njazivuka ngwange vukaleo vuje alinakwambulula ali yange vunapu vwa vushunga.

Yowano 6:27

Kesi mupangele vyakulya vije vikavola, oloni pangeleni vyakulya vya mwonyo wa myaka yoshe. Evi vikevyo vyakulya vije vyakamyana Muna Munu, omwo Njambi, Ishe, namwaka cimweso cakumutava.”

Yowano 8:18

Yange njambulula vukaleo vwange, co Tate uje wanjitumine ambulula vukaleo vwange lalo.”

Kwituluka mu Mashiko 4:12

Asinoni Shukulu Kalunga wendekele kuli yeni oku ali mukati ka tuhya, co mwazivile lika omo mwakele nakwendeka, oloni kumwamwene cifwa cendi embwe.

1 Timateo 1:17

Kuli Mwene wa myaka yoshe, uje kesi kutsa uje kutwasa kumona, endi lika Njambi, kuli ikeye kukale kasingimiko na vumpau ku myaka yoshe! Ewa.

1 Timateo 6:16

Ikeye lika kesi kutsa, wayoya mu ceke cije naumo wai asa kushwenyako. Naumo wai wamumona naumo wai asa kumumona. Kuli ikeye kukale kasingimiko na nzili ya myaka yoshe! Ewa.

1 Yowano 4:12

Naumo wai wamona Njambi; oloni nga tulizema umo na mukwavo, co Njambi akayoya muli yetu, na cizemo cendi cinapu ca vushunga muli yetu.

1 Yowano 4:20

Nga twendeka ngwetu twazema Njambi, oloni tuzinda vakwetu, tunapu vaka-makuli. Omwo kutwasa kuzema Njambi, uje kanda tumone, nga kutuzeme vakwetu vaje tunamono.

1 Yowano 5:9

Tukulaela vukaleo vwa vanu, oloni vukaleo vwa Njambi vuli na nzili manene, co natwana vukaleo ovu ali Munendi.