Yowano 5:36 - Livulu lya Shukulu Kalunga

³⁶ Oloni yange njili na vukaleo vwakutuvakana vukaleo vuje vwambulwile Yowano, omwo evi vinjilinga, vinapu vipangi vije vyanjanene Tate ngeci njivilinge, evi vilinakwendeka ali yange mukumwesa ngeci Tate wanjitumine.

Yowano 5:36 Iomraidhean Croise

Mateo 11:4

Co Yesu wavakumbulwile ngwendi, “Yeni mukaleke Yowano vyuma evi vimunazivi nevi vimunamono,

Luka 2:49

Co ikeye wavakumbulwile ngwendi, “Vika munanjishakezekela? Kuma kumwazivukile ngweni njinapande kukala mu Njuvo ya Tate ndi?”

Yowano 10:25

Yesu wakumbulwile ngwendi, “Njamilekele laja, oloni yeni kumwanjikulaelele. Vyuma evi vinjilinga mu lizina lya Tate vikevyo vimwesa vukaleo vwange,

Yowano 11:37

Oloni vamo vavo vendekele ngwavo, “Ou kesi ikeye uje watonesele mesho a uje kapuputwa indi? Kuma kapandele kwamena Lazalu ngeci kesi atse ndi?”

Yowano 15:24

Nga kunjalingile vyuma vije naumo wai wavilingile akati kavo, kuvesi na vuvi, oloni vanamono vije njalingile, co vatuzinda nange na Tate.

Yowano 17:4

Njinasholola vumpau vwove ano asi, co njinamanesa vipangi vije viwanjanene ngeci njivilinge.

Yowano 2:23

Omo Yesu wakele mu Yelusalema a simbu ya Ciwano ca Pasovala, vavangi vakulaelele kuli ikeye akumona vizivukiso vije vyalingile.

Yowano 3:17

Omwo Njambi katumine Munendi ano a kaye nakuhisa vaka-kaye embwe, oloni apwe Muyoyesi wavo.

Yowano 3:2

Munalume ou waile kuli Yesu vutsiki, co wendekele kuli ikeye ngwendi, “Mulongisi, twazivuka ngwetu yove u mulongisi wakutunda kuli Njambi. Omwo naumo wai asa kulinga vizivukiso viwulinakulinga kuvanga Njambi akale amo nendi.”

Yowano 4:34

Yesu wendekele kuli vakevo ngwendi, “Vyakulya vyange vinapu kwononoka cizango ca uje wanjitumine nakumanesa vipangi vyanjanene ngeci njivilinge.

Yowano 5:32

Oloni kwali weka akwambulula vukaleo vwange, co njazivuka ngwange vukaleo vuje alinakwambulula ali yange vunapu vwa vushunga.

Vilinga vya Miluwa 2:22

“Tolilileni ku majwi awa, yeni vakwetu vaIsalele! Yesu wa ku Nazaleta wapwile munalume uje moko yendi ya vuNjambi yasholwele mwamuvwa kuli yeni vikomokeso na vizivukiso vije vyalingile Njambi muli ikeye. Yeni vavenya mwazivuka evi, omwo vyuma evi vyalingiwile akati keni.

1 Yowano 5:9

Tukulaela vukaleo vwa vanu, oloni vukaleo vwa Njambi vuli na nzili manene, co natwana vukaleo ovu ali Munendi.