Yowano 5:35 - Livulu lya Shukulu Kalunga

³⁵ Yowano wapwile ngwe ndeya, washukumine nakutwa ceke, co mwavwaelelele kasimbu lika mu ceke cendi.

Yowano 5:35 Iomraidhean Croise

2 Samwele 21:17

Oloni Avishai muna Zeluya wezile kuli Ndaviti nakumukwasa, walwisile uje likisi-kisi, co wamutsiile. Asinoni vanu va Ndaviti vamulombele ngwavo, “Kesi ukaye netu lalo ku nzita, yove unapu manda ya Isalele, co kutushaka lalo ngeci tukujeneke.”

Kutuuka 34:35

co vamwene cihanga cendi cakele nakuvyazima. Asinoni Mosesa walifwikile lalo lilesu ku cihanga cendi noo a simbu ikwavo wakovelele mu Mbalaka nakwendeka na Shukulu Kalunga.

Ezekiyele 33:31

Ngecivene, vanu vange valikungulula nakuziva vije wendeka, oloni kuvashaka kulinga vije viwuvaleka ngeci vavilinge. Vapwisa majwi ove ngwe myaso ya cizemo, oloni vatwalao kulinga vingila vyavo vya cipululu.

Ndanyele 12:3

Co vaje vantwama va mana vakavyazima na ceke ca lilu. Co vaje valongesele vanu vavangi kulinga vya vushunga vakavyazima ku myaka yoshe ngwe vingongonosi.”

Mateo 11:11

Mwa vushunga njimileka ngwange, akati ka vanu voshe vaje vanakalako, kukwesi umo natuvakana Yowano Muka-kumbwitika. Oloni uje wamundondo mu Vumwene vwa mwilu ikeye natuvakana Yowano.

Mateo 21:26

Oloni nga twendeka ngwetu, ‘Yatundile kuli vanu,’ tuli na lyova lya vanu, omwo voshe vazivuka ngeci Yowano wapwile muka-kwimanena.”

Mako 1:5

Co vanu vavangi vatundile ku lifuti lya Yundeya na ku nganda ya Yelusalema vezile kuli Yowano nakumutolilila. Valitavelele ku vuvi vwavo, co wavambwitikile mu Ndonga ya Yondau.

Mako 6:20

Omwo Helonde wakele na lyova ali Yowano omwo ikeye wazivukile ngeci Yowano wapwile muka-vushunga, co wakujela, co wamunyungile mwamuvwa. Helonde wazemene manene kutolilila kuli Yowano, nameme ikeye wakele nakumuzivisa longoto ku mbunge simbu yoshe yamutolililile.

Luka 7:28

Mwa vushunga njimileka ngwange, ku vanu voshe vaje vanakalako, kukwesi umo natuvakana Yowano. Oloni nameme ngoco uje wamundondo mu Vumwene vwa Njambi ikeye natuvakana Yowano.”

Yowano 6:66

Omwo a cuma eci, vandongisi va Yesu vavangi velukile munima kuvashakele kuya lalo nendi.

2 Petulu 1:19

Ngecivene, twasimpile na muzimbu uje watundile mwilu uje uvambulwile vaka-kwimanena. Nga mutolilila ku muzimbu ou, co mulinga mwamuvwa, omwo unapu ngwe ndeya ilinakutwila ceke mu lisusulungu noo Litangwa linaki na ceke ca litota lya mutondo linatwila ceke mu vimbunge vyeni.