Yowano 5:34 - Livulu lya Shukulu Kalunga

³⁴ Kesi ngwe vukaleo vunjitambula vwakutunda ku munu embwe, oloni njilinakwendeka lika evi ngeci mwovoke.

Yowano 5:34 Iomraidhean Croise

Luka 13:34

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vaatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange ngwe kasumbi akavutikiya vana vendi mu mambava, oloni yove kuwanjitavele!

Luka 19:10

Muna Munu wezile nakushakezeka nakwovola vaka-kuzimbala.”

Luka 24:47

ngeci kutenguluka nakusambesa kwa vivi vakavyambulule mu lizina lyendi ku mafuti oshe, kushangumukila mu Yelusalema.

Yowano 20:31

Oloni evi vanavisoneka ngeci mukulaele ngweni Yesu ikeye Wakuvwavesa, Muna Njambi, co akukulaela kuli ikeye mukale na mwonyo.

Yowano 5:32

Oloni kwali weka akwambulula vukaleo vwange, co njazivuka ngwange vukaleo vuje alinakwambulula ali yange vunapu vwa vushunga.

Yowano 5:41

“Kunjishaka ngeci vanu vanjishangale embwe.

Yowano 8:54

Yesu wakumbulwile ngwendi, “Nga njilisingimika yange vavenya, kasingimiko kange kapwa kangoco. Uje anjisingimika ikeye Tate, uje imutumbula ngweni Njambi yeni.

Loma 10:1

Vakwetu, njishaka manene na mbunge yange yoshe ngeci vanu vange vovoke! Njilinakuvalombelela manene kuli Njambi!

Loma 10:21

Oloni alinakwendeka ali Isalele ngwendi, “Simbu yoshe njashakele kutambula vanu vaka-kujeneka kwononoka vakevo lalo vaka-kutengulukila.”

Loma 12:21

Kesi mutave vuvi vumihyane, oloni hyaneni vuvi na vuvwa.

Loma 3:3

Oloni vatijo nga vamo vavo kuvapwile va kulongwa? Eci cinalumbunuka ngeci Njambi kesi muka-vushunga ndi?

1 Kolinte 9:22

Akati ka vaje vanazeye mukukulaela kwavo nange lalo njipwa ngwe umo wavo mu kuzeya, ngeci njivawane. Ngecivene, njilipwisa umo mu vyoshe kuli vanu voshe, ngeci njovoleko vamo nga citava kulingamo.

1 Timateo 4:16

Linyunge yove vavenya, co lalo ilula vilongesa vyove. Twalao nakulinga vyuma evi, omwo nga yove ulinga vyuma evi, ukalyamena yove vavenya na vaje vakakutolilila.

1 Yowano 5:9

Tukulaela vukaleo vwa vanu, oloni vukaleo vwa Njambi vuli na nzili manene, co natwana vukaleo ovu ali Munendi.