Yowano 5:28 - Livulu lya Shukulu Kalunga

²⁸ Kesi mukomoke a cuma eci, omwo simbu ilinakwija omo vatsi voshe vakaziva lijwi lyendi,

Yowano 5:28 Iomraidhean Croise

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Ndanyele 12:2

Co vungi vwa vaje vatsile laja vakakala lalo na mwonyo. Vamo akati kavo vakakala na mwonyo ku myaka yoshe, co vakwavo vakakala na shwamwa yakama ku myaka yoshe.

Hoziya 13:14

Kunjikasa kwamena vanu ava kutunda ku vukalo vwa vatsi, nameme kuvovola ku nzili ya kutsa. Yove kutsa, nena mishongo yove, yove vukalo vwa vatsi, nena kunyongesa kwove. Kunjikazivila vanu ava mema ku mbunge.

Yowano 3:7

Kesi ukomoke omo njikuleka ngwange unapande kusemuka luvali.

Yowano 4:21

Yesu wendekele kuli ikeye ngwendi, “Ove munakazi njikulaele, simbu ilinakwija omo vanu kuvakalemesela Tate a munkinda ou nambe mu Yelusalema.

Yowano 4:23

Oloni simbu ilinakwija, co inete laja, omo a nzili ya Munzinzime wa Njambi vanu vakalemesa Tate ngwe muje mwafwa, vakamulemesa mu vushunga ngwe muje mwashaka.

Yowano 5:20

Omwo Ishe azema Mwana, co amumwesa vyoshe vije vyalinga. Co amumwesa vyuma vyakama ngeci avilinge, co muvavoshe mukalikomokela.

Yowano 5:25

Mwa vushunga njimileka ngwange, simbu ilinakwija, co inete laja, omo vatsi vakaziva lijwi lya Muna Njambi, co voshe vaje valiziva vakayoya.

Vilinga vya Miluwa 24:15

Njili na cinyangavili muli Njambi ngeci vakevo valinavyo vyuma evi, vikevyo evi, vanu voshe vavavwa na ava vavavi vakasanguka ku vatsi.

Vilinga vya Miluwa 3:12

Omo Petulu wamwene vaje vanu, wendekele kuli vakevo ngwendi, “Yeni vakwetu vaIsalele, vikajo munalikomokela a cuma eci? Nambe vikajo mutukengela shwii? Mwayongola ngweni eci cinalingiwa mu nzili yetu nambe mu vushunga vwetu mukemwo tunakangwisa ou munu ndi?

1 Kolinte 15:22

Omwo vanu voshe vatsa omwo vali amo na Andama, mu ngila eyi vene voshe vakavasangwila ku mwonyo omwo vali amo na Kilistu.

Filipu 3:21

Ikeye akemukisa mivila yetu yakuvotsiya ya kutsa nakuyipwisa ngwe muvila wendi vavenya wa vumpau, kupangesa nzili ije ikeye asa kunena vyuma vyoshe mwisi yakushika kwendi.

Kujombolola 20:12

Coi njamwene vatsi, vakama na ava vavandondo, vemanene kulutwe lwa litanda. Vafukwile mavulu, co lalo vafukwile livulu likwavo, likelyo livulu lya mwonyo. Co vatsi vavasompele ngwe ku vilinga vyavo vije vivalingile, ngwe muvavisonekele mu mavulu.