Yowano 5:26 - Livulu lya Shukulu Kalunga

²⁶ Omwo ngwe Tate wapwa nsina ya mwonyo, ngecivene, mu ngila eyi vene napwisa lalo Mwana nsina ya mwonyo.

Yowano 5:26 Iomraidhean Croise

Myaso 36:9

Yove ukaana mwonyo ku vyuma vyoshe. Omo a ceke cove twasa kumona ceke.

Myaso 90:2

Simbu kanda utange malundu, simbu kanda utange kaye, yove wapwa u Njambi ku myaka yoshe.

Kutuuka 3:14

Njambi wendekele kuli Mosesa ngwendi, “Yange Ou Njapwa Munjapwa. Omu mukemwo muukendeka navo ngwove, ‘Njapwa, ikeye nanjitumu kuli yeni.’ ”

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Yowano 1:4

Lijwi likelyo lyapwile nsina ya mwonyo, co mwonyo ou ukewo wanenele ceke kuli vanu.

Yowano 10:18

Naumo wai atundisa mwonyo wange. Oloni njilinakuwana mu cizango cange. Njili na moko yakuwecela, co njili na moko yakuutambula. Evi vikevyo vyanjishikile Tate ngeci njivilinge.”

Yowano 11:25

Yesu wendekele kuli ikeye ngwendi, “Yange cisangukilo na mwonyo. Woshe akulaela kuli yange nambe natsi, oloni akayoya,

Yowano 11:26

co woshe alinakuyoya uje akulaela kuli yange kakatsi embwe. Yove unakulaela eci ndi?”

Yowano 14:19

Oloni mu kasimbu kakandondo lika, co vaka-kaye kuvakanjimono, oloni yeni mukanjimona, omwo njilinakuyoya, neni lalo mukayoya.

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Yowano 4:10

Yesu wamukumbulwile ngwendi, “Nga wazivukile vwana vwa Njambi, co nou akulomba mema akunwa, nga unamulombo, co nga nakwana mema a mwonyo.”

Yowano 6:57

Tate wakuyoya ikeye wanjitumine, omwo ikeye ngeci yange njilinakuyoya lalo. Mu cifwa cimolika uje anjilya akayoya omwo yange.

Yowano 8:51

Mwa vushunga njimileka ngwange, woshe ononoka vilongesa vyange kakatsi.”

Vilinga vya Miluwa 17:25

Nambe kesi kushaka tumupangele cuma cimo, omwo ikeye akaana mwonyo na muku na vyuma vyoshe kuli vanu voshe.

1 Kolinte 15:45

Omwo visoneka vyendeka ngwavyo, “Munu wakulivanga Andama, vamutangele munu wakuyoya”, oloni Andama wakukotokela ikeye mukakwana mwonyo wa Munzinzime.

1 Timateo 1:17

Kuli Mwene wa myaka yoshe, uje kesi kutsa uje kutwasa kumona, endi lika Njambi, kuli ikeye kukale kasingimiko na vumpau ku myaka yoshe! Ewa.

1 Timateo 6:16

Ikeye lika kesi kutsa, wayoya mu ceke cije naumo wai asa kushwenyako. Naumo wai wamumona naumo wai asa kumumona. Kuli ikeye kukale kasingimiko na nzili ya myaka yoshe! Ewa.

VaHevelu 1:2

oloni a matangwa ano akukotokela nendeka kuli yetu ali Munendi, uje yanapwisa shwana ya vyuma vyoshe, co ali ikeye lalo watangele vyuma vyoshe.

Kujombolola 21:6

Co wendekele ngwendi, “Vyalingiwa laja! Yange wakulivanga na muka-kukotekela, vushangumukilo na mamaneselelo. Njikana mema a vwana mu lisima lya kavwelu-vwelu lya mwonyo kuli woshe uje ali na lihwila.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.

Kujombolola 7:17

omwo Muna Manga, uje ali mukati ka litanda, akapwa kanyungi kavo, co akavatwamenena ku tuvwelu-vwelu twa mema a mwonyo. Co Njambi akasikumuna misozi yoshe ku mesho avo.”