Yowano 5:25 - Livulu lya Shukulu Kalunga

²⁵ Mwa vushunga njimileka ngwange, simbu ilinakwija, co inete laja, omo vatsi vakaziva lijwi lya Muna Njambi, co voshe vaje valiziva vakayoya.

Yowano 5:25 Iomraidhean Croise

Luka 15:24

Omwo ou munange watsile, oloni ololo alinakuyoya, wazimbalele, oloni ololo tunamuwana!’ Co vashangumukile kulisamba nakulinga ciwano.

Luka 15:32

Oloni tunapande kujolela nakuvwaelela, omwo ndolome yove watsile, oloni ololo alinakuyoya, wazimbalele, oloni ololo tunamuwana.’ ”

Luka 9:60

Yesu wamukumbulwile ngwendi, “Seza vatsi valitsinde vakevo vavenya. Yove ya nakwambulula vya Vumwene vwa Njambi.”

Yowano 13:1

Simbu litangwa lya Ciwano ca Pasovala kanda lyete, Yesu wazivukile ngeci simbu yendi inete yakutunda muno mu kaye nakuya kuli Ishe. Ikeye wazemene vaje vakele muno mu kaye vaje vapwile vendi, co wavazemene na akukotoka.

Yowano 17:1

Omo Yesu wamanesele kwendeka vyuma evi, wandwile mesho endi kwilu wendekele ngwendi, “Tate, simbu inete. Ana vumpau kuli Munove, ngeci Munove aane vumpau kuli yove.

Yowano 4:21

Yesu wendekele kuli ikeye ngwendi, “Ove munakazi njikulaele, simbu ilinakwija omo vanu kuvakalemesela Tate a munkinda ou nambe mu Yelusalema.

Yowano 4:23

Oloni simbu ilinakwija, co inete laja, omo a nzili ya Munzinzime wa Njambi vanu vakalemesa Tate ngwe muje mwafwa, vakamulemesa mu vushunga ngwe muje mwashaka.

Yowano 5:21

Ngwe omo Ishe akasangula vatsi nakuvana mwonyo, ngecivene, mu ngila eyi lalo Mwana akana mwonyo kuli vaje ashaka.

Yowano 5:28

Kesi mukomoke a cuma eci, omwo simbu ilinakwija omo vatsi voshe vakaziva lijwi lyendi,

Yowano 6:60

Vandongisi vendi vavangi omo vazivile evi vendekele ngwavo, “Vilongesa evi vinapu vyavikalu. Iyajo asa kuvitolilila?”

Yowano 8:43

Omwo vikajo kumuzivisisa vije njendeka? Kumushaka kutolilila ku majwi ange.

Yowano 8:47

Uje atunda kuli Njambi atolilila ku majwi a Njambi. Yeni kumwatundile kuli Njambi embwe, co mukemwo kumutolililako.”

Yowano 9:27

Wavakumbulwile ngwendi, “Njamileke laja, oloni kumwanjitolililile. Omwo vikajo mushaka lalo kuziva lwamucivali? Mushaka kupwa vandongisi vendi ndi?”

Loma 6:4

Ngecivene, akutumbwitika, vatutsindile amo nendi na kutsa amo nendi, ngeci, ngwe omo Kilistu vamusangwile ku vatsi na vumpau vwa Ishe, ngeci netu tunapande kuyoyela mu mwonyo wauha.

Efeso 2:1

Laja mwapwile mu vatsi ku munzinzime omwo kumwononokele, co mwalingile vuvi.

Efeso 2:5

ngeci nambe omo twatsile ku munzinzime akujeneka kwononoka kwetu, watuyoyesele amo na Kilistu. Akutetela kwa Njambi ngeci munovoka.

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

Kolose 2:13

A simbu imo mwatsile ku munzinzime omwo a vuvi vweni, omwo mwapwile vaje kesi vaYunda vakujeneka Lishiko. Oloni ololo Njambi naminena ku mwonyo muli Kilistu. Njambi watusambesele vivi vyetu vyoshe,

Kujombolola 3:1

“Kuli kangelo wa ku cikungulukilo ca mu Salendisiya soneka ngwove, “Eli likelyo lijwi lyatundu kuli uje ali na minzinzime ya Njambi itanu na ivali na vingongonosi vitanu na vivali. Njinazivuka vije viwulinakulinga, njinazivuka ngeci uli na lizina ngeci ulinakuyoya, nameme ngoco unatsi laja.