Yowano 5:19 - Livulu lya Shukulu Kalunga

¹⁹ Ngecivene, Yesu wavakumbulwile ngwendi, “Mwa vushunga njimileka ngwange, Mwana kasa kupanga cuma cimo endi lika, akalingi lika vije amona Ishe alinga. Omwo vije vyalinga Ishe, vikevyo lalo vyalinga Mwana.

Yowano 5:19 Iomraidhean Croise

Kushangumuka 1:1

Akulivanga Njambi watangele lilu na kaye.

Kushangumuka 1:26

Asinoni Njambi wendekele ngwendi, “Ololo oni tutangeni munu wakulifwa netu na mu cifwa cetu. Ngeci vakakale na moko yakushwana visi, na tuzila, na tusitu voshe, na vimuna vakama na ava vavandondo na ava vakulikoka.”

Myaso 138:3

Omo njalombelele kuli yove, co wanjikumbulwile, wanjitakamesele lalo na nzili yove.

Myaso 27:14

Kulaela kuli Shukulu Kalunga, kulaela, kesi uzeye. Kulaela kuli Shukulu Kalunga.

Myaso 50:6

Melu asholola vushunga vwa Njambi, omwo Njambi vavenya wapwa lyaako!

Kutuuka 4:11

Co Shukulu Kalunga wendekele kuli ikeye ngwendi, “Iyajo watangele kanwa ka munu? Iyajo wamupwisa kasinda-matwi nameme kaveveve? Iyajo akamumwesa nameme kumupwisa kapuputwa? Kuma kesi yange Kalunga njikalingimo ndi?

Visimo 2:6

Shukulu Kalunga akana mana, kuli ikeye kutunda mana nakuzivisisa.

Isaya 44:24

“Yange Kalunga, muyoyesi weni, yange uje wamitangele, yange Kalunga, Ishamatanga wa vyuma vyoshe. Ange lika njajangumwine melu, omo njajalele kaye, naumo wai wanjikwaseleko.

Isaya 45:24

Vakendeka ngeci muli yange lika mukemwo muli kuhyana na nzili, oloni voshe vaje vanjizinda vakaziva shwamwa.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Mateo 26:39

Co washwenyeleko kulutwe kamandondo, wavulumanene, co walombelele ngwendi, “Tate, nga citava, nganja eyi ya kayando itunde kuli yange! Kesi ngwe mwaya cizango cange embwe, oloni cizango cove cilingiwe.”

Luka 21:15

omwo njikamyana majwi na mana ngeci vitozi veni kuvakasa kumivayesa nambe kuvyana vimukendeka.

Yowano 10:18

Naumo wai atundisa mwonyo wange. Oloni njilinakuwana mu cizango cange. Njili na moko yakuwecela, co njili na moko yakuutambula. Evi vikevyo vyanjishikile Tate ngeci njivilinge.”

Yowano 12:49

Omwo eci cinapu ca vushunga, omwo kunjendekele na nzili yange vavenya embwe, oloni Tate uje wanjitumine nanjishiki vije vinjendeka na vije vinjambulula.

Yowano 12:50

Co njazivuka ngeci lishiko lyendi linena mwonyo wa myaka yoshe. Ngecivene, evi vinjendeka, vikevyo vyanjilekele Tate ngeci njivyendeke.”

Yowano 14:10

Kuma kuukulaela Filipi ngeci yange njili muli Tate, co Tate ali muli yange ndi?” Yesu wendekele kuli vandongisi vendi ngwendi, “Majwi awa njinendeka kuli yeni kuwapwile a mu mbunge yange embwe. Tate wakala muli yange akapanga vipangi vyendi.

Yowano 2:19

Yesu wavakumbulwile ngwendi, “Siwuleni eyi Njuvo ya Shukulu Kalunga, co njikaitungulula lalo a matangwa atatu.”

Yowano 3:3

Yesu wamukumbulwile ngwendi, “Mwa vushunga njikuleka ngwange, naumo wai asa kumona Vumwene vwa Njambi kuvanga asemuke luvali.”

Yowano 5:21

Ngwe omo Ishe akasangula vatsi nakuvana mwonyo, ngecivene, mu ngila eyi lalo Mwana akana mwonyo kuli vaje ashaka.

Yowano 6:38

omwo njatundile mwilu kesi kulinga cizango cange embwe, oloni kulinga cizango ca uje wanjitumine.

Yowano 8:28

Ngecivene, Yesu wendekele kuli vakevo ngwendi, “Omo mukajundula Muna Munu, asinoni mukazivuka ngweni ‘Yange Ou Njapwa Munjapwa’, asinoni mukazivuka ngeci kunjasa kulinga cuma cimo na nzili yange vavenya, oloni njendeka lika vije vyanjilongesele Tate.

Yowano 9:4

Tunapande kupanga vipangi vya uje wanjitumine omo kucili mutanya, vutsiki vulinakwija omo naumo wai asa kupanga.

Vilinga vya Miluwa 2:24

Oloni Njambi wamusangwile ku vatsi, wamupatwile ku nzili ya kutsa, omwo kucatavele ngeci kutsa cimupwise cinzinda.

Loma 6:4

Ngecivene, akutumbwitika, vatutsindile amo nendi na kutsa amo nendi, ngeci, ngwe omo Kilistu vamusangwile ku vatsi na vumpau vwa Ishe, ngeci netu tunapande kuyoyela mu mwonyo wauha.

Loma 8:11

Nga Munzinzime wa Njambi, uje wasangwile Yesu ku vatsi, akala muli yeni, co uje wasangwile Kilistu ku vatsi ikeye lalo akana mwonyo ku mivila yeni ya kutsa a Munzinzime wendi uje ali muli yeni.

1 Kolinte 15:12

Ololo, nga lijwi lyetu linapu ngeci Kilistu wasangukile ku vatsi, vati vamo veni vendeka ngwavo vatsi kuvakasangukila ku mwonyo?

2 Kolinte 4:14

Omwo twazivuka ngeci Njambi uje wasangwile Mwene Yesu ku vatsi, ikeye akatusangula lalo amo na Yesu nakutusholola amo neni, ku mesho endi.

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.

Efeso 2:5

ngeci nambe omo twatsile ku munzinzime akujeneka kwononoka kwetu, watuyoyesele amo na Kilistu. Akutetela kwa Njambi ngeci munovoka.

Efeso 3:16

Njilomba kuli Njambi a vufuko vwa vumpau vwendi ngeci amyane nzili ali Munzinzime wendi ngeci mukale na nzili mukati ka mivila yeni,

Filipu 3:21

Ikeye akemukisa mivila yetu yakuvotsiya ya kutsa nakuyipwisa ngwe muvila wendi vavenya wa vumpau, kupangesa nzili ije ikeye asa kunena vyuma vyoshe mwisi yakushika kwendi.

Filipu 4:13

Njasa kulinga vyuma vyoshe a nzili ije yananjana Kilistu.

Kolose 1:11

Mupwe vaka-kukola na nzili yoshe yakutunda ku vumpau vwa nzili yendi, ngeci mukase kukakateya mu vyuma vyoshe na kusimpa.

Kolose 1:16

Omwo muli ikeye Njambi watangele vyuma vyoshe vya mwilu nevi vya asi, vyuma vije twasa kumona na vije kutwasa kumona, kwakao na vushwana vwa minzinzime ya ano asi na vashukulu na vaka-kushwana na vaka-moko yakushwana. Njambi watangele vyuma vyoshe muli ikeye na omwo ikeye.

1 Tesalonika 4:14

Omwo tunakulaela ngwetu Yesu watsile, co wasangukile lalo, co tunakulaela ngwetu Njambi akanena amo na Yesu vaje vatsile mukukulaela kuli ikeye.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.