Yowano 5:17 - Livulu lya Shukulu Kalunga

¹⁷ Oloni Yesu wavakumbulwile ngwendi, “Tate alinakupanga simbu yoshe, co nange lalo njinapande kupanga.”

Yowano 5:17 Iomraidhean Croise

Myaso 65:6

Yove wemikile minkinda mu mitambela yayo na nzili yove, mukusholola nzili yove yakukomokesa.

Isaya 40:26

Anduleni mesho eni kwilu! Iyajo watangele vingongonosi vije mulinakumona? Uje avitwamenena ngwe mashwalale, ikeye azivuka vungi vwavyo, co avisana vyoshe a mazina avyo! Nzili yendi yapwa yakama manene, naimo ngongonosi yai yazimbalao!

Mateo 10:29

Kuma kuvesi kulanda tunzilili vavali na mbongo imo indi? Co kanzilili naumo wai akatsi kujeneka cizango ca Ishweni.

Yowano 10:36

Ngeci mwange ni, Tate wanjangwile nakunjituma ano a kaye. Vatijo mwendeka ngweni njilinakushaula Njambi omwo njendekele ngwange nji Muna Njambi?

Yowano 14:10

Kuma kuukulaela Filipi ngeci yange njili muli Tate, co Tate ali muli yange ndi?” Yesu wendekele kuli vandongisi vendi ngwendi, “Majwi awa njinendeka kuli yeni kuwapwile a mu mbunge yange embwe. Tate wakala muli yange akapanga vipangi vyendi.

Yowano 5:16

Co vashangumukile kupakesa Yesu, omwo wakangwisile munu ou a Litangwa Lyakuhwima.

Yowano 5:18

Vyendeka evi vyalingisile manene vaka-kushwana va vaYunda ngeci vamutsiye, omwo kesi lika wapokwele lishiko lya a Litangwa Lyakuhwima embwe, oloni wendekele lalo ngwendi Njambi ikeye Ishe, co mu ngila eyi walipwisile mumo na Njambi.

Yowano 9:4

Tunapande kupanga vipangi vya uje wanjitumine omo kucili mutanya, vutsiki vulinakwija omo naumo wai asa kupanga.

Vilinga vya Miluwa 14:17

Oloni visimbu vyoshe waanene vukaleo vwakukala kwendi vavenya a vyuma vyavivwa vije vyakalingi, co akamyana nyonzi yakutunda mwilu na vimbuto a simbu yaivwa, akamyana vyakulya nakushulisa vimbunge vyeni nakuvwaelela.”

Vilinga vya Miluwa 17:28

ngwe umo wendekele ngwendi, ‘Muli ikeye mukemwo mutwayoyela, mukemwo mutwendela mukemwo mutuli.’ “Ngwe muyinendeka myaso yeni ngwayo, ‘Netu lalo tunapu tu vana vendi.’

1 Kolinte 12:6

Kuli nzili yakuliseza-seza yakupanga vipangi, oloni Njambi umolika ikeye muka-kwana nzili kuli voshe ku vipangi vyavo vyakupanga.

Kolose 1:16

Omwo muli ikeye Njambi watangele vyuma vyoshe vya mwilu nevi vya asi, vyuma vije twasa kumona na vije kutwasa kumona, kwakao na vushwana vwa minzinzime ya ano asi na vashukulu na vaka-kushwana na vaka-moko yakushwana. Njambi watangele vyuma vyoshe muli ikeye na omwo ikeye.

1 Tesalonika 2:13

Co kuli cuma cikwavo lalo omwo vikajo simbu yoshe tukakandelela kuli Njambi. Omo twaminenelele lijwi lya Njambi, yeni mwalizivile nakulitambula, kesi ngwe lijwi lyakutunda kuli vanu oloni ngwe lijwi lya Njambi, Lije linapu lijwi lya Njambi vene. Omwo Njambi alinakupanga akati keni vaje vanakulaela.

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.