Yowano 5:1 - Livulu lya Shukulu Kalunga

¹ Munima yevi, Yesu waile ku Yelusalema ku ciwano cikwavo ca vaYunda.

Yowano 5:1 Iomraidhean Croise

Kutuuka 34:23

“Visimbu vitatu a mwaka, vanalume veni voshe vanapande kwija, nakunjilemesa yange Kalunga, Njambi ya vaIsalele.

Mateo 3:15

Oloni Yesu wamukumbulwile ngwendi, “Njitave ololo vene omwo catupande kupwisamo vushunga vwoshe.” Co Yowano wamutavele.

Yowano 2:13

Yapwile simbu ya Ciwano ca Pasovala, ngecivene, Yesu waile ku Yelusalema.

Ngalatiya 4:4

Oloni omo simbu yaivwa yetele, Njambi watumine Munendi, wakusemuka ku munakazi, wakusemuka ku majwi a Lishiko,

Kwituluka mu Mashiko 16:1

“Mukanyunge ngonde ya Avive nakulisamba a Ciwano ca Pasovala kuli Shukulu Kalunga Njambi yeni, omwo mu ngonde ije vene ku vutsiki, mukemwo Shukulu Kalunga Njambi yeni wamitundisile mu Ingito.

Kwituluka mu Mashiko 16:16

“Vanalume voshe va ku muyati weni vakalikungulwile ku mesho a Shukulu Kalunga Njambi yeni visimbu vitatu a mwaka ku mwela uje waakangula Shukulu Kalunga wakumulemesela, vakalikungulwile ku Ciwano ca Pasovala, na ku Ciwano ca Kuteja, na ku Ciwano ca Mapapela. Co vakanene mulambu.