Yowano 4:9 - Livulu lya Shukulu Kalunga

⁹ Munakazi wamukumbulwile ngwendi, “Yove u kaYunda, co yange nji kaSamaliya, ngecivene, vatijo unjilomba mema ngeci unwe?” (VaYunda kuvesi kupangesa vinganja na malonga vije vivakapangesa vaka-Samaliya.)

Yowano 4:9 Iomraidhean Croise

Mateo 10:5

Yesu watumine ava miluwa likumi na vavali, wavashikile ngwendi, “Kesi muye mu mafuti a vanu vaje kesi vaYunda embwe, nambe mu limbo limo lya vaka-Samaliya embwe.

Luka 10:33

Oloni umo kaSamaliya wendele mu ngila ije wetele aje akele uje munalume, omo wamumwene, wamuzivilile mema ku mbunge.

Yowano 4:27

Aje vene vandongisi va Yesu vezile, co valikomokelele manene akuwana Yesu alinakwendeka na munakazi. Oloni naumo wai wehwile uje munakazi ngwendi, “Vika ushaka?” Nambe kwihula Yesu ngwavo, “Omwo vika ulinakwendeka nendi?”

Yowano 8:48

Vehwile Yesu ngwavo, “Kuma kutwatombwele omo twendekele ngwetu u muka-Samaliya, co muli yove lalo muli munzinzime wakujwala?”

Vilinga vya Miluwa 1:8

Oloni omo Munzinzime Wakujela akaija ali yeni, mukashula na nzili, co mukapwa vakaleo vange mu Yelusalema na mu Yundeya na mu Samaliya mwoshe, na ku mamaneselelo a asi.”

Vilinga vya Miluwa 10:28

Co wendekele kuli vakevo ngwendi, “Yeni munazivuka ngweni kaYunda lishiko lyendi kulimutavesa kwendela nambe kulizema na ava kesi vaYunda. Oloni Njambi nanjimwesa yange ngeci kesi njiyongole munu umo ngwange wakujwala nambe ngwange wakujeneka kujela.

Vilinga vya Miluwa 10:32

Tuma munu ku Yopa ngeci akasane munalume umo lizina lyendi Simoni Petulu. Ali ku njuvo ya Simoni muka-kufutungula vilambu, uje njuvo yendi ili ku kenge ya mema a kalunga.’