Yowano 4:15 - Livulu lya Shukulu Kalunga

¹⁵ Munakazi wendekele kuli ikeye ngwendi, “Mwene, njaneko owo mema! Ngeci kesi njikazive lalo lihwila, nambe kunjikaija-ija lalo kuno nakutekula mema.”

Yowano 4:15 Iomraidhean Croise

Myaso 4:6

Omo kuvali vavangi valinakulombela ngwavo, “Twane vivezikiso Shukulu Kalunga! Tuzivileko mema ku mbunge!”

Yowano 4:16

Yesu wendekele kuli ikeye ngwendi, “Ya ukasane munalume wove, co wiluke kuno.”

Yowano 6:26

Yesu wavakumbulwile ngwendi, “Mwa vushunga njimileka ngwange, munanjishakezeka kesi omwo mwamwene vizivukiso vyange embwe, oloni omwo mwalile makende nakukuta.

Yowano 6:34

Vamwihwile ngwavo, “Mwene, twane eli likende simbu yoshe.”

Yowano 6:35

Yesu wavalekele ngwendi, “Yange likende lya mwonyo. Uje aija kuli yange kakakala lalo na njala, co uje akulaela kuli yange kakazivi lalo lihwila.

Loma 6:23

Omwo fweto ya vuvi inapu kutsa, oloni vwana vwa Njambi vunapu mwonyo wa myaka yoshe muli Kilistu Yesu Mwene yetu.

Loma 8:5

Omwo vaje vanapu vaka-vusitu, vayongola vyuma vya vusitu, oloni vaje vanapu va Munzinzime, vayongola vyuma vya Munzinzime.

1 Kolinte 2:14

Woshe uje kesi na Munzinzime kasa kutambula mavwana aje atunda kuli Munzinzime wa Njambi. Munu wangacije kasa kuwazivisisa, anapu angoco kuli ikeye, omwo seo yawo vanaiseteka na munzinzime.

Yakomba 4:3

Co nameme munalombo kumwasa kuvitambula, omwo viyongola vyeni vyapwa vyavivi, mukalomba vyuma ngeci mulikwase ku senga yeni vavenya.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.