Yowano 3:36 - Livulu lya Shukulu Kalunga

³⁶ Woshe akulaela kuli Mwana ali na mwonyo wa myaka yoshe, woshe avyana Mwana kakala na mwonyo, oloni vukalu vukala ali ikeye.

Yowano 3:36 Iomraidhean Croise

Yombi 33:28

Ikeye wanjikulile ngeci kesi njiye ku lifuti lya vatsi, co na simbu ino njicili nakuyoya.’

Myaso 2:12

tsembeni myanja yendi, kutewa aluvala ngeci munyonge vwasi-vwasi, omwo vukalu vwendi vushwama vwasi. Vavezika voshe vaje vatewela muli ikeye.

Myaso 36:9

Yove ukaana mwonyo ku vyuma vyoshe. Omo a ceke cove twasa kumona ceke.

Myaso 49:19

ikeye akaliwana na vakukulwila vendi voshe ku vatsi, kuje kuli lisusulungu lya ku myaka yoshe.

Hambakuke 2:4

Co awa akewo majwi, ‘Vaka-vuvi vakatsa, oloni vaka-vushunga vakayoya omwo vakonononoka kuli Njambi!’ ”

Kulava 32:11

‘Mwa vushunga, omwo vanu ava kuvanjononokele na vimbunge vyavo vyoshe, naumo wai wa ali vakevo, uje ali na myaka makumi avali nambe kutuvakana, vaje vatundile mu Ingito, akakovele mu lifuti lije linjakulaesele Avilahama, na Isake, na Yakomba.

Mateo 25:46

Co ava vakakovela mu tuyando twa myaka yoshe, oloni vaka-vushunga vakakovela mu mwonyo wa myaka yoshe.”

Mako 16:16

Woshe uje akulaela nakumumbwitika akovoka, oloni woshe uje kakulaela vakamuhisa.

Luka 2:30

Omwo mesho ange anamono kwamena kwove,

Luka 3:6

Vanu voshe vakamona kwamena kwa Njambi.’ ”

Yowano 1:12

Oloni kuli voshe vaje vamutambwile nakukulaela kuli ikeye, wavanene moko yakupwa vana va Njambi.

Yowano 10:28

Njivana mwonyo wa myaka yoshe, co kuvakatsi embwe. Co naumo wai akavacakununa mu livoko lyange.

Yowano 3:3

Yesu wamukumbulwile ngwendi, “Mwa vushunga njikuleka ngwange, naumo wai asa kumona Vumwene vwa Njambi kuvanga asemuke luvali.”

Yowano 4:36

Uje ateja valinakumufweta, co alinakukungulula vimbuto vya mwonyo wa myaka yoshe, ngecivene, muka-kukuna na muka-kuteja voshe vakavwaelela amolika.

Yowano 5:24

“Mwa vushunga njimileka ngwange, woshe aziva majwi ange, co akulaela kuli uje wanjitumine, ali na mwonyo wa myaka yoshe. Kuvakamusompo embwe, oloni natundu ku kutsa nakovela ku mwonyo.

Yowano 6:58

Eli likelyo likende lije lyatundile mwilu, kesi ngwe likende lije valile vakukulwila veni, co vatsile embwe. Uje alya likende eli akayoya myaka yoshe.”

Yowano 8:51

Mwa vushunga njimileka ngwange, woshe ononoka vilongesa vyange kakatsi.”

Vilinga vya Miluwa 14:2

Oloni vaYunda vaje vajenekele kukulaela vashongangeyeye vaje kesi vaYunda nakutengulukila vaka-kukulaela.

Loma 4:15

Omwo lishiko linena vukalu vwa Njambi, oloni nga kukwesi lishiko, co kukwesi kujeneka kwononoka lishiko.

Loma 5:9

A n̄ombelo ya kutsa kwendi ololo vanatupwisa vaka-vushunga ku mesho a Njambi, ngecivene, cikahyana manene Kilistu kutwamena ku vukalu vwa Njambi!

Loma 8:1

Kukwesi cihiso ololo kuli vaje valinakuyoyela muli Kilistu Yesu.

Ngalatiya 3:10

Omwo voshe vaje vanajendamena a Majwi Lishiko vali mwisi ya cisingo. Omwo visoneka vyendeka ngwavyo, “Woshe uje avyana kwononoka vyuma vyoshe vije vivanasoneka mu livulu lya Majwi a Lishiko ali mwisi ya cisingo ca Njambi!”

Efeso 5:6

Kesi mutave umo amikwise na majwi a makuli, omwo a vyuma evi vukalu vwa Njambi vukakala ali vaje vaka-kujeneka kumwononoka.

1 Tesalonika 1:10

nakuvandamena Munendi omo akaija kutunda mwilu, Munendi Yesu, uje yasangwile ku vatsi, co akatupatula ku vukalu vwa Njambi vuje vulinakwija.

1 Tesalonika 5:9

Njambi katwangwile kuyandela vukalu vwendi embwe, oloni tukatambule kwovoka ali Mwene yetu Yesu Kilistu,

VaHevelu 10:29

Ngecivene, cikafwa vatijo kuli munu uje ashaula Muna Njambi? Nga apopolola maninga a cikumiiyo ca Njambi ngwe cuma cangoco aje anamujelesa ku vuvi? Co ashaula Munzinzime wa mema ku mbunge? Co cihiso ca munu wangacije cikapwa cakama manene!

VaHevelu 2:3

Ngecivene, vatijo tukaputumuka ku vyuma evi nga kutwakele vimbunge vyetu ku kwovoka kwakama kwa ngacije? Akulivanga Mwene ikeye wambulwile kwovoka oku, co vaje vazivileko vasholwele kuli yetu ngeci vukaleo ovu vunapu vwa vushunga.

VaHevelu 3:18

Omo Njambi walisingile ngwendi, “Nalumo lwai vakakovela mu lifuti lije njinesi kuvana ngeci vahwiminemo.” Wendekele kuli veyajo? Wendekele kuli vaje vamutengulukilile.

VaHevelu 3:19

Ngecivene, tumona ngeci kuvasele kukovela mu lifuti omwo kuvakulaelele.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”