Yowano 3:34 - Livulu lya Shukulu Kalunga

³⁴ Omwo woshe uje yanatumu Njambi endeka majwi a Njambi, omwo Njambi namwana Munzinzime Wakujela muvungi.

Yowano 3:34 Iomraidhean Croise

2 Vimyene 2:9

Omo vanajavuka laja, Elinja wendekele kuli Elisha ngwendi, “Njileke viwushaka ngeci njikulingilevyo simbu kanda vanjitwale mwilu.” Elisha wamukumbulwile ngwendi, “Njitave njitambule mutamba wa nzili yove ije ikanjipwisa shwana yove.”

Myaso 45:7

Uzema vushunga nakuzinda vuvi, mukemwo Njambi, Njambi yove, nakuvezikisa vivezikiso vyakama kutuvakana vimyene veka.

Isaya 59:21

Njilinakulikumiiya cikumiiyo neni, njinamyana Munzinzime wange na vilongesa vyange kupwa vyeni ku myaka yoshe, co kutunda lelo nakutwala kulutwe, munapande kunjononoka nakulongesa vana veni, na vatekulwila veni kunjononoka visimbu vyoshe vikaija kulutwe.”

VaLevi 7:35

Ou ukewo mutambela wa milambu ya vyakulya yakukombelela kuli Shukulu Kalunga, uje uvanene kuli Alone, na kuli vana vendi litangwa lije vavakundikile kupwa vaka-kukombelela.

Kulava 11:25

Asinoni Shukulu Kalunga washulukile asi mu lishelwa nakwendeka na Mosesa. Co Shukulu Kalunga wanonele ku Munzinzime uje wakele ali Mosesa nakuupangezela ali vaje vantwama makumi atanu na avali. Omo Munzinzime wakele ali vakevo, vambulwile ngwe vaka-kwimanena, oloni kuyapwile simbu yakama.

Mateo 12:18

“Kengeni, ngamba yange injinaangula ou ikeye injazema, ikeye muka-kunjivwaelelesa. Njikaka Munzinzime wange ali ikeye, co akambulula vushunga ku vaje kesi vaYunda.

Luka 4:18

“Munzinzime wa Shukulu Kalunga ali muli yange, omwo nanjangula kwambulula Vin̄anda Vyavivwa kuli tuutu. Nanjitumu kwambulula kupatuka kuli vinzinda, nakutonesa tupuputwa ngeci vamone, nakupatula vaje vavalinakuyandesa,

Yowano 1:16

Co akushula na kutetela kwendi watuvezikisile tuvoshe, watwanene vivezikiso kuwezelela a vivezikiso vikwavo.

Yowano 15:26

“Oloni omo Mukwasi akaija, ikeye Munzinzime, uje akasholola vushunga vwa ali Njambi, akaija kutunda kuli Tate. Njikamutuma kuli yeni kutunda kuli Tate, co akendeka vukaleo vwange.

Yowano 16:7

Oloni mwa vushunga njimileka ngwange, mwamuvwa kuli yeni ngeci yange njiye, omwo nga kunjii, Mukwasi kakaija kuli yeni. Oloni nga njiya, co njikamutuma kuli yeni.

Yowano 3:17

Omwo Njambi katumine Munendi ano a kaye nakuhisa vaka-kaye embwe, oloni apwe Muyoyesi wavo.

Yowano 5:26

Omwo ngwe Tate wapwa nsina ya mwonyo, ngecivene, mu ngila eyi vene napwisa lalo Mwana nsina ya mwonyo.

Yowano 7:16

Ngecivene, Yesu wakumbulwile ngwendi, “Evi njilinakulongesa kesi vyange embwe, oloni vitunda kuli Njambi, uje wanjitumine.

Yowano 8:40

Oloni cuma cimolika cinjinalingi cinapu kumileka vushunga vunjazivile kuli Tate, oloni yeni mushaka kunjitsiya. Avilahama kalingile cuma ngwe eci embwe!

Yowano 8:47

Uje atunda kuli Njambi atolilila ku majwi a Njambi. Yeni kumwatundile kuli Njambi embwe, co mukemwo kumutolililako.”

Vilinga vya Miluwa 1:2

nakweta a litangwa lije vamutwalele mwilu. Simbu kanda vamutwale mwilu, washikile na nzili ya Munzinzime Wakujela vanalume vaje vaangwile kupwa miluwa vendi.

Vilinga vya Miluwa 10:38

Mwazivuka vya Yesu wa ku Nazaleta na muje Njambi wamuvwavesele Munzinzime Wakujela na nzili. Wendanganene kwoshe-ikwoshe nakulinga vyavivwa nakukangwisa voshe vaje vakele mwisi ya nzili ya Liyavola, omwo Njambi wakele amo nendi.

Loma 8:2

Omwo lishiko lya Munzinzime, lije litunenela mwonyo muli Kilistu Yesu, linanjipatula ku lishiko lya vuvi na kutsa.

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

Kolose 1:19

Omwo vwapwile vutumbe vwa Njambi ngeci muli Mwana mukale cifwa coshe ca Njambi.

Kolose 2:9

Omwo kushula kwa vu Njambi vwoshe vwakala muli Yesu, mu vunu vwendi,

Kujombolola 21:6

Co wendekele ngwendi, “Vyalingiwa laja! Yange wakulivanga na muka-kukotekela, vushangumukilo na mamaneselelo. Njikana mema a vwana mu lisima lya kavwelu-vwelu lya mwonyo kuli woshe uje ali na lihwila.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,