Yowano 3:32 - Livulu lya Shukulu Kalunga

³² Alinakusimutwiya vije vyanamono, co na vije vyanazivi, oloni naumo wai atambula muzimbu wendi.

Yowano 3:32 Iomraidhean Croise

Isaya 50:2

“Omwo vikajo vanu vange vonwele kukumbulula omo njaile kuli vakevo ngeci njivamene? Vikajo kuvakumbulwile omo njavasanene? Kuma kunjesi na nzili yakuvamena ndi? Mukuluvala kwange njasa kumisa mema a kalunga, na vindonga kuvitengulula mambo, ngeci visi valimo vatse a mema.

Isaya 53:1

Vanu vakumbulula ngwavo, “Iyajo asa kukulaela muzimbu wetu? Iyajo namono nzili ya Shukulu Kalunga mu vyuma evi?

Mateo 7:8

Omwo woshe alomba atambula, co woshe asetela awana, co woshe atota vakamushokolwela.

Yowano 1:11

Ikeye wezile ku lifuti lyendi, oloni vanu vendi kuvamutambwile.

Yowano 15:15

Kunjimitumbula lalo vangamba embwe, omwo ngamba kazivuka vije vyalinga shukulu yendi. Oloni njimitumbula vasamba, omwo njamileka vyuma vyoshe vije vinjavizivile kuli Tate.

Yowano 18:37

Pilato wamwihwile ngwendi, “Ngecivene, kuma yove unapu u mwene ndi?” Yesu wakumbulwile ngwendi, “Omo vene muunendeka ngwove nji mwene. A cuma eci vene njasemukile nakwija ano a kaye kwambulula vushunga. Woshe nakundama ku vushunga atolilila majwi ange.”

Yowano 3:11

Mwa vushunga njikuleka ngwange, twendeka vije vituzivuka, co twambulula vukaleo vwa vije vitunamono, oloni yeni ku mutambula muzimbu wetu.

Yowano 3:26

Ngecivene, vaile kuli Yowano, co vamulekele ngwavo, “Mulongisi, wanuka munalume uje wakele nove mu ngangela ya Yondau uje iwalingilile vukaleo? Kenga, alinakumbwitika, co vanu voshe valinakuya kuli ikeye!”

Yowano 3:33

Oloni woshe atambula muzimbu wendi amwesa ngeci Njambi wapwa muka-vushunga.

Yowano 5:20

Omwo Ishe azema Mwana, co amumwesa vyoshe vije vyalinga. Co amumwesa vyuma vyakama ngeci avilinge, co muvavoshe mukalikomokela.

Yowano 8:26

Njili na vyavingi vyakwendeka ali yeni, vyavingi vyakumisompa navyo. Oloni uje wanjitumine ikeye muka-vushunga, co vyuma vije vinjazivile kuli ikeye vikevyo lika njendeka kuli vaka-kaye.”