Yowano 3:23 - Livulu lya Shukulu Kalunga

²³ Yowano lalo wakele nakumbwitika mu Aenone kuyehi na Salime, omwo kwakele mema amangi. Co vanu vakele nakuya kuli ikeye, co wavambwitikile.

Yowano 3:23 Iomraidhean Croise

Kushangumuka 33:18

Omo Yakomba watundile ku Mesopotamya, wetele mwamuvwa ku nganda ya Shekeme mu lifuti lya Kanana, co watungile cilombo cendi kuyehi na nganda.

Njelemiya 51:13

Mbambilone lifuti lije lyakala manene na vindonga na vufuko vwavungi, oloni simbu ya lifuti eli yakuyoya ineti.

Ezekiyele 19:10

Vanyoko vapwile ngwe mukolovozi wa vushuka vwa vinyu, uje vakunine ku ngenge ya muna ndonga. Omwo kuje kwakele mema amangi manene, co uje mukolovozi wa vushuka vwa vinyu walifwikile na maputa na vushuka.

Ezekiyele 43:2

co kuje njamwene vumpau vwa Njambi ya Isalele vwatundililile mu ngangela. Co lijwi lya Njambi lyalumine ngwe cilumo ca mema a kalunga, co asi avyakumine na vumpau vwendi.

Luka 3:7

Co Yowano walekele vije vimbunga vezile kuli ikeye nakuvambwitika ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Yowano 3:22

Munima yevi, Yesu na vandongisi vendi vaile ku lifuti lya Yundeya, kuje kwakakele navo ka simbu nakumbwitika vanu.

Yowano 3:24

(Omwo a simbu eyi Yowano te kanda vamwake mu kamenga.)

Kujombolola 1:15

mendi endi avyazimine ngwe vutale vwa vunengu vucitunda mu lutengo lwakama vuje vwakukwita mufwitilo, na cilumo ca lijwi lyendi califwile ngwe mema a nzili aa cipupa.

Kujombolola 14:2

Co njazivile lijwi lyatundile mwilu lyakufwa ngwe kukuma kwa mema a cipupa, ngwe mikalateto ya muhyato wakama. Lyafwile ngwe mwaso uvalinakwimba vaka-kwimba a tulyalya twavo.

Kujombolola 19:6

Asinoni njazivile lijwi lyakama ngwe lya mbunga, lyakufwa ngwe kukuma kwa cipupa ca mema, lyakufwa ngwe mikalateto ya mihyato. Co njazivile vendeka ngwavo, “Shangazaleni Njambi! Omwo Shukulu Kalunga Njambi yetu Muka-nzili yoshe, ikeye wapwa Mwene!

1 Samwele 9:4

Co vaile ku lifuti lya malundu lya Efalime na ku lifuti lya Shalisha, oloni kuvavawanene, co vaile lalo ku lifuti lya Shalime, oloni kuvavawanene. Vaile ku lifuti lya Mbenjemani, oloni na kuje lalo kuvavawanene.