Yowano 3:15 - Livulu lya Shukulu Kalunga

¹⁵ ngeci woshe akulaela kuli ikeye akale na mwonyo wa myaka yoshe.

Yowano 3:15 Iomraidhean Croise

Isaya 11:10

Litangwa lije likaija omo mwene wamuhwa wakutunda ku vumwene vwa Ndaviti akapwa cimweso ku miyati. Miyati vakakungulukila mu nganda ya vumwene vwendi nakumwana kasingimiko.

Isaya 45:22

“Yeni voshe muli kwoshe kuje kwasikisila kaye, tengulukileni kuli yange ngeci mwovoke. Yange lika Njambi njiliko.

Kulava 21:9

ngecivene, Mosesa wafulile linyoka wa vunengu wamushukikile ku manda. Ngeci munu woshe uje nashumuwa omwo akenga ku linyoka wa vunengu, co ayoya.

Mateo 18:10

“Kengeni ngeci kesi muyengule umo wa ava vavandondo. Omwo njimileka ngwange, simbu yoshe tungelo twavo vali mwilu ku mesho a Tate wa mwilu.

Mateo 25:46

Co ava vakakovela mu tuyando twa myaka yoshe, oloni vaka-vushunga vakakovela mu mwonyo wa myaka yoshe.”

Mako 16:16

Woshe uje akulaela nakumumbwitika akovoka, oloni woshe uje kakulaela vakamuhisa.

Luka 19:10

Muna Munu wezile nakushakezeka nakwovola vaka-kuzimbala.”

Yowano 1:12

Oloni kuli voshe vaje vamutambwile nakukulaela kuli ikeye, wavanene moko yakupwa vana va Njambi.

Yowano 16:33

Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

Yowano 20:31

Oloni evi vanavisoneka ngeci mukulaele ngweni Yesu ikeye Wakuvwavesa, Muna Njambi, co akukulaela kuli ikeye mukale na mwonyo.

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Yowano 3:36

Woshe akulaela kuli Mwana ali na mwonyo wa myaka yoshe, woshe avyana Mwana kakala na mwonyo, oloni vukalu vukala ali ikeye.

Yowano 5:24

“Mwa vushunga njimileka ngwange, woshe aziva majwi ange, co akulaela kuli uje wanjitumine, ali na mwonyo wa myaka yoshe. Kuvakamusompo embwe, oloni natundu ku kutsa nakovela ku mwonyo.

Yowano 6:27

Kesi mupangele vyakulya vije vikavola, oloni pangeleni vyakulya vya mwonyo wa myaka yoshe. Evi vikevyo vyakulya vije vyakamyana Muna Munu, omwo Njambi, Ishe, namwaka cimweso cakumutava.”

Yowano 6:40

Omwo eci cikeco cizango ca Tate ngeci voshe vaje vamona Mwana nakukulaela kuli ikeye vakale na mwonyo wa myaka yoshe. Co njikavasangwila ku mwonyo a litangwa lyakukotoka.”

Yowano 6:47

Mwa vushunga njimileka ngwange, uje akulaela ali na mwonyo wa myaka yoshe.

Vilinga vya Miluwa 13:41

‘Kengeni, yeni vaka- kuyeluwisa! Co likomokeleni na kutsa! Omwo cuma cije cinjilinga litangwa lya lelo cinapu cuma cije kumukakulaela, nameme vamilumbunwinaco!’ ”

Vilinga vya Miluwa 8:36

Co omo vakele nakushelumuka mu ngila, co vetele ku mutambela umo kuje kwakele mema, co uje mukulunu wendekele ngwendi, “Kenga, mema awa. Vika lalo vyasa kunjivindika kunjimbwitika?”

Loma 5:21

Ngecivene, ngwe omo vuvi vwashwanene a kutsa, ngeci lalo kutetela kwa Njambi kulinakushwana a vushunga, nakututwamenena ku mwonyo wa myaka yoshe ali Yesu Kilistu Mwene yetu.

1 Kolinte 1:18

Omwo lijwi lya kutsa kwa Kilistu a cilindakano linapu lyangoco kuli vaka-kuzimbala, oloni kuli yetu vaka-kwovoka linapu nzili ya Njambi.

2 Kolinte 4:3

Oloni nga lijwi eli tulinakwambulula linapu lyakushweka, vanalishweka lika kuli vaje vanazimbala.

Ngalatiya 2:16

Oloni twazivuka ngeci munu apwa muka-vushunga ku mesho a Njambi akukulaela lika kuli Yesu Kilistu, kesi ngwe mukulinga vije vishakiwa ku Majwi a Lishiko embwe. Netu lalo tunakulaela kuli Kilistu vatupwise vaka-vushunga ku mesho a Njambi akukulaela kuli Kilistu, kesi ngwe mukulinga vije vishakiwa ku Majwi a Lishiko embwe. Omwo ku vilinga vya mashiko munu naumo wai akovoka.

Ngalatiya 2:20

Vananjishukika amo na Kilistu, ngecivene, kesi yange lalo njiyoya embwe, oloni Kilistu ikeye ayoya muli yange. Co mwonyo ou njilinakuyoya nawo ololo, njilinakuyoya akukulaela kuli Muna Njambi, uje wanjizemene, co walyanene ikeye vavenya omwo yange.

VaHevelu 10:39

Yetu kesi tu vanu vaka-kwiluka munima nambe vaka-kuzimbala embwe. Oloni tunapu tu vaka-kukulaela nakwovoka.

VaHevelu 7:25

Co asa kwamena vaje vaija kuli ikeye, omwo ayoya ku myaka yoshe mukuvaakwila.

1 Yowano 2:25

Co eci cikeco watukulaesele Kilistu vavenya kutwanaco, cikeco mwonyo wa myaka yoshe.

1 Yowano 5:1

Woshe uje akulaela ngeci Yesu ikeye Wakuvwavesa, napu muna Njambi, co woshe uje azema cisemi azema lalo munendi.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.