Yowano 21:19 - Livulu lya Shukulu Kalunga

¹⁹ (Akwendeka evi, Yesu watumbwile kutsa kuje kwakatsa Petulu nakunena vumpau kuli Njambi.) Co Yesu wendekele kuli ikeye ngwendi, “Njikave!”

Yowano 21:19 Iomraidhean Croise

Kulava 14:24

kuvanga ngamba yange Kalembi omwo ikeye ali na viyongola vyeka, co ikeye wapwa wa kulongwa. Njikamutwala mu lifuti lije lyakanengele, co vatekulwila vendi vakashwana lifuti lije mu vyana vyalyo mwakala vaAmaleke na vaKanana.

Mateo 10:38

Woshe uje kambata cilindakano cendi nakukavangeya mu myanja yange kapandele kupwa ndongisi yange.

Mateo 19:28

Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele.

Mateo 8:22

Oloni Yesu wamukumbulwile ngwendi, “Njikave, co seza vatsi valitsinde vakevo vavenya.”

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Yowano 12:33

(Akwendeka ngeci watumbwile kutsa kuje akatsa.)

Yowano 18:32

(Eci calingiwile ngwe majwi aje endekele Yesu akutumbula kutsa kuje akatsa apwe a vushunga.)

Yowano 21:18

Mwa vushunga njikuleka ngwange, omo wapwile mukwenje, walivwaesele nakuya kwoshe kuwashakele, oloni omo unakuluvala, ukolola mavoko ove, co weka akakukuta nakukutwala kuje kuwashakele kuya.”

Yowano 21:22

Yesu wamukumbulwile ngwendi, “Nga njishaka ngwange ayoye noo njikaija, eci cinapu vatijo kuli yove? Yove njikave lika!”

Filipu 1:20

Cizango cange cakama na cinyangavili cange ngeci kunjikajuka mu vipangi vyange, oloni ku visimbu vyoshe, vunene vene a simbu ino, njikashula nakusimpa kwoshe, ngeci muvutunu vwange vwoshe njikane kasingimiko kuli Kilistu, nambe njitsa nambe njiyoya.

2 Petulu 1:14

Omwo njazivuka ngwange ololo njikashulula muvila uno wakuvola, ngwe mwanjilekele Mwene yetu Yesu Kilistu.

1 Samwele 12:20

Samwele wakumbulwile ngwendi, “Kesi muzive lyova embwe. Nameme munalingi vuvi vwa cifwa cangacije, kesi mutenguluke mutunde kuli Shukulu Kalunga, oloni mupangeleni na mbunge yeni yoshe.