Yowano 21:18 - Livulu lya Shukulu Kalunga

¹⁸ Mwa vushunga njikuleka ngwange, omo wapwile mukwenje, walivwaesele nakuya kwoshe kuwashakele, oloni omo unakuluvala, ukolola mavoko ove, co weka akakukuta nakukutwala kuje kuwashakele kuya.”

Yowano 21:18 Iomraidhean Croise

Luka 12:37

Vanavezika vangamba vaje omo shukulu yavo aija avawana kuvesi mu tulo valinakumukengelela! Mwa vushunga njimileka ngwange, ikeye akalizitika mwiva mu mbunda, akavaleka ngeci vatumbame, co akavana vyakulya.

Yowano 13:36

Simoni Petulu wehwile Yesu ngwendi, “Mwene, uya kulijo?” Yesu wakumbulwile ngwendi, “Kuje kunjilinakuya kuwasa kunjikava, oloni ukanjikava kulutwe.”

Yowano 21:17

Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

Yowano 21:19

(Akwendeka evi, Yesu watumbwile kutsa kuje kwakatsa Petulu nakunena vumpau kuli Njambi.) Co Yesu wendekele kuli ikeye ngwendi, “Njikave!”

Vilinga vya Miluwa 21:11

Co ikeye wezile kuli yetu, wanonele mwiva wa Paulu, waukutile ku mendi endi na ku mavoko endi wendekele ngwendi, “Eci cikeco canendeka Munzinzime Wakujela ngwendi, ou vavenya mwiva vakamukuta vaYunda mu Yelusalema mu cifwa eci, co vakamwana ku mavoko a vaje kesi vaYunda.”

2 Kolinte 5:4

Omwo tucili nakuyoya mu mbalaka ya ano asi tulinakukemanga vene nakuyanda, kesi ngwe tushaka vatutundisemo mu muvila wa ano asi embwe, oloni tushaka vatuzike na muvila wa mwilu, ngecivene, cije ca kutsa vakacimwisa ca mwonyo.