Yowano 21:15 - Livulu lya Shukulu Kalunga

¹⁵ Omo vanalyaula laja, Yesu wendekele kuli Simoni Petulu ngwendi, “Simoni muna Yowano, wanjizema kutuvakana ava ndi?” Petulu wakumbulwile ngwendi, “Eyo Mwene, uzivuka ngeci njakuzema.” Yesu wendekele kuli ikeye ngwendi, “Nyunga vana va vimanga vange.”

Yowano 21:15 Iomraidhean Croise

Kushangumuka 33:13

Oloni Yakomba wamukumbulwile ngwendi, “Shukulu mwazivuka ngeci vanike vapwa vakuzeya, co njinapande kuyongola lalo a vimanga na vingombe amo na vana vavo. Nga tuvendesa manene nameme litangwa limo, co vatsa.

2 Samwele 7:20

Vikajo lalo njendeka kuli yove? Omwo yove unjizivuka, yange ngamba yove.

2 Vimyene 20:3

“Shukulu Kalunga, anuka ngeci yange njakupangela nakukukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Njelemiya 23:4

Njikemika vaka-kushwana ngeci vavanyunge. Vanu vange kuvakazivi lalo lyova nambe kutewa, co naumo wai akazimbalao lalo. Yange Kalunga, njinendekamo.”

Njelemiya 3:15

Njikamyana vaka-kushwana vaje vanjononoka, co vakamishika na mana nakuzivisisa.

Ezekiyele 34:23

Asinoni njikavana kanyungi umolika, ikeye ngamba yange Ndaviti, ikeye akavanyunga, co akapwa kanyungi kavo.

Ezekiyele 46:24

Co uje munalume wanjilekele ngwendi, “Evi vikevyo vipiko muje vangamba va ku Njuvo ya Shukulu Kalunga vakatelelelamo vin̄ombelo vivakakombelela vanu.”

Mateo 10:37

“Woshe uje azema ishe nambe vaina kutuvakana yange kapandele kupwa ndongisi yange, co woshe uje azema munendi wa munalume nambe wa munakazi kutuvakana yange kapandele kupwa ndongisi yange.

Mateo 16:17

Co Yesu wamukumbulwile ngwendi, “Unavezika ove Simoni muna Yona! Omwo vanu kuvacijombolwele kuli yove, oloni kuvanga Tate uje ali mwilu.

Mateo 18:10

“Kengeni ngeci kesi muyengule umo wa ava vavandondo. Omwo njimileka ngwange, simbu yoshe tungelo twavo vali mwilu ku mesho a Tate wa mwilu.

Mateo 26:33

Petulu wendekele nendi ngwendi, “Nameme voshe vakakuseza yange kunjikakuseza nalumo lwai!”

Mateo 26:35

Petulu wamukumbulwile ngwendi, “Kunjikendeka ngwange kunjikuzivuka, nameme kutsa vene njikatsa amo nove!” Co na vandongisi vakwavo voshe vendekele cuma cimo.

Mako 14:29

Petulu wamukumbulwile ngwendi, “Nameme voshe vakakuseza, yange kunjikakuseza embwe!”

Luka 12:32

“Kesi muzive lyova, yeni mbunga yaindondo, omwo Ishweni navwaelela kumyana Vumwene.

Luka 22:32

Oloni yange njinakulombelela Simoni, ngeci kukulaela kwove kesi kuhwe. Co omo ukatenguluka nakwiluka kuli yange, unapande kukatakamesa vakweni.”

Yowano 1:42

Asinoni Anduleo watwalele Simoni kuli Yesu. Yesu wamukengele, co wendekele nendi ngwendi, “Lizina lyove yove Simoni muna Yowano, oloni vakakutumbula Kefase.” (Eli linalifu mumolika na Petulu, co lilumbunuka ngwalyo “Limanya.”)

Yowano 13:37

Petulu wehwile ngwendi, “Mwene, omwo vika kunjasa kukukava ololo? Njinalivwaesela cimweja kutsa amo nove!”

Yowano 16:27

omwo Tate ikeye vavenya wamizema. Wamizema omwo mwazema yange nakukulaela ngeci yange njatundile kuli Njambi.

Yowano 21:12

Yesu wendekele kuli vakevo ngwendi, “Ijeni mulyaule.” Naumo wai wa vaje vandongisi wasele kumwihula ngwendi, “Yove iyajo?” Omwo vazivukile ngwavo ikeye Mwene.

Yowano 21:7

Ndongisi uje yazemene Yesu wendekele kuli Petulu ngwendi, “Ou ikeye Mwene!” Omo Simoni wazavile ngeci ikeye Mwene, wazalele cikoveyo cendi(omwo washulwile vuzalo vwendi), co watumbukilile mu lishali.

Yowano 8:42

Yesu wendekele kuli vakevo ngwendi, “Nga mwa vushunga Njambi wapwa Ishweni, ngwe mwanjizeme, omwo yange njatundile kuli Njambi, ololo njili kuno. Kunjezile na nzili yange vavenya, oloni ikeye wanjitumine.

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

Vilinga vya Miluwa 20:29

Njazivuka ngwange omo njiya, tungunga va vukalu vakaija akati keni, co kuvakatetela vutanga.

Loma 14:1

Tambuleni mwamuvwa munu uje kanda akole mukukulaela, oloni kesi mulinge nendi vimata a viyongola vyendi.

Loma 15:1

Yetu tunakolo mukukulaela tunapande kukwasa vaje kanda vakole mukukulaela kwavo ngeci vambate vitele vyavo. Kutwapandele kulivwaelelesa yetu vavenya embwe.

1 Kolinte 8:11

Co munu ou wakuzeya, mukweni uje Kilistu wamutsililile, akanyonga omwo “mana ove”!

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Efeso 4:14

Co kutukapu lalo vanike, vaje vauungumuka na mankimba nakupekumuka noku-noku na lihunzi lya vilongesa vya vanu vaka-makuli, vaje valinakutwamenena vakwavo mu kusevuka na linyanyamena lije valinga.

Efeso 6:24

Kutetela kwa Njambi kukale na voshe vaje vazema Mwene yetu Yesu Kilistu na cizemo ca ku myaka yoshe.

VaHevelu 13:20

Ololo Njambi wa kwoloka uje wasangwile Mwene yetu Yesu ku vatsi, uje napu kanyungi Wakama ka vimanga, a maninga endi a cikumiiyo ca myaka yoshe,

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

1 Petulu 1:8

Yeni mwamuzema, nambe kumwamumwene, mwamukulaela, nambe a simbu ino kumwamumwene. Ngecivene, mulinakujolela na mbwase yakama ya vumpau ije kutwasa kuyitumbula,

1 Petulu 2:2

Pweni ngwe vimbututu vanasemuka ololo, simbu yoshe kaleni na lihwila lya mavele akujela a munzinzime, ngecivene, akunwako mukakola nakwovokelao.

1 Petulu 2:25

Yeni mwapwile ngwe mu vimanga vanazimbalesa ngila yavo, oloni ololo muneluka kukava Kanyungi na Muka-Kunyunga myonyo yeni.

1 Yowano 4:19

Tuzema omwo Njambi watuzemene akulivanga.

1 Yowano 5:1

Woshe uje akulaela ngeci Yesu ikeye Wakuvwavesa, napu muna Njambi, co woshe uje azema cisemi azema lalo munendi.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.