Yowano 20:25 - Livulu lya Shukulu Kalunga

²⁵ Ngecivene, vandongisi vakwavo vamulekele ngwavo, “Tunamono Mwene!” Oloni Tomasi wendekele kuli vakevo ngwendi, “Kunjikulaela kuvanga njinamono viveve vya vimbambo mu mavoko endi, co nakukovelesa mulavo wange mu vije viveve nakukwata ku vimati vyendi.”

Yowano 20:25 Iomraidhean Croise

Yombi 9:16

Nga anjitava njendeke, kunjikulaela ngeci anjitolilila.

Myaso 22:16

Mbunga ya vaka-vuvi vananjizengeleka, vashwenya kuli yange ngwe tutali va vukalu, vakevo vanasanyozola mavoko na mendi ange.

Myaso 78:32

Nameme ngoco anga vakele nakulinga vuvi, vavyanene kukulaela vipangi vya Njambi vyakukomokesa,

Mateo 27:42

“Wovwele vakwavo, oloni kasa kulyovola ikeye vavenya! Kuma kesi ikeye mwene wa Isalele ndi? Ashuluke a cilindakano ololo, co tukamukulaela!

Mako 16:11

co omo vazivile ngwavo Yesu alinakuyoya ngwendi ikeye vene namumono, kuvamukulaelele.

Mako 16:13

Co velukile lalo nakukalekako vakwavo, oloni vakevo kuvakulaelele.

Mako 16:14

Akukotoka, Yesu walisholwele kuli vandongisi likumi na umo omo vakele nakulya. Co wavaluvalesele, omwo kuvakulaelele, nomwo vakaluwisile vimbunge vyavo omwo kuvakulaelele vaje vamumwene omo wasangukile.

Luka 24:25

Co Yesu wendekele kuli vakevo ngwendi, “Eni vilema vaka-kwishwala kukulaela vije vyoshe vivendekele vaka-kwimanena!

Yowano 1:41

Aje vene Anduleo wawanene ndolome yendi Simoni, co wamulekele ngwendi, “Tunawana Wakuvwavesa.” (Lijwi eli lilumbunuka ngwalyo “Kilistu.”)

Yowano 20:27

Asinoni wendekele kuli Tomasi ngwendi, “Aka mulavo wove omu, co kenga ku mavoko ange, co olola livoko lyove ngeci ukwate ku vimati vyange. Kesi ulinge vimata, oloni kulaela lika!”

Yowano 21:7

Ndongisi uje yazemene Yesu wendekele kuli Petulu ngwendi, “Ou ikeye Mwene!” Omo Simoni wazavile ngeci ikeye Mwene, wazalele cikoveyo cendi(omwo washulwile vuzalo vwendi), co watumbukilile mu lishali.

Yowano 6:30

Ngecivene, vamukumbulwile ngwavo, “Cizivukiso muka ulinga ngeci tucimone, co tukukulaele? Vipangi mukajo ukalinga?

VaHevelu 3:12

Vakwetu vaka-kukulaela, nyanyameni ngeci mukati keni kesi mukale umo ali na mbunge yaivi yakujeneka kukulaela ngeci atunde kuli Njambi wakuyoya.

VaHevelu 3:18

Omo Njambi walisingile ngwendi, “Nalumo lwai vakakovela mu lifuti lije njinesi kuvana ngeci vahwiminemo.” Wendekele kuli veyajo? Wendekele kuli vaje vamutengulukilile.