Yowano 20:16 - Livulu lya Shukulu Kalunga

¹⁶ Yesu wendekele kuli ikeye ngwendi, “Maliya!” Maliya watengulukile, co wendekele nendi mu ciHevelu ngwendi, “Lamboni!” (Kulumbununa ngwavo, “Mulongisi.”)

Yowano 20:16 Iomraidhean Croise

Kushangumuka 22:1

Munima ya vyuma evi, Njambi wesekele Avilahama. Wamusanene ngwendi, “Avilahama!” Co Avilahama wamukumbulwile ngwendi, “Ewa, yange uno Shukulu!”

Kushangumuka 22:11

Oloni kangelo ka Shukulu Kalunga wamusanene oku ali mwilu ngwendi, “Avilahama, Avilahama!” Avilahama wakumbulwile ngwendi, “Ewa, yange uno Shukulu.”

Kushangumuka 45:12

Yosefa wendekele lalo ngwendi, “Ololo yeni voshe, nove Mbenjemani, mwalimwena ngweni mwa vushunga vene yange Yosefa.

Kutuuka 3:4

Co omo Shukulu Kalunga wamwene Mosesa nashwenye kuyehi nakumona, wamusanene mukati ka liputa ngwendi, “Mosesa! Mosesa!” Co Mosesa wakumbulwile ngwendi, “Ewa, yange uno Shukulu.”

Kutuuka 33:17

Co Shukulu Kalunga wendekele kuli Mosesa ngwendi, “Njikalinga ngwe omo yove unanjilombo, omwo njikuzivuka mwamuvwa, co muli yove njilinakuvwaelela.”

Myaso ya Solomoni 3:4

Akuvaseza kasimbu kakandondo, njamuwanene uje injazema mu mwonyo wange. Njamukwatele, co kunjatavele kumwecela, noo njamutwalele mu njuvo ya vanana, ku mulili uje vanjikitilile.

Myaso ya Solomoni 5:2

Yange njalalele, oloni njakele nakutona. Njalotele muka-cizemo cange alinakutota ku lipito ngwendi, “Njishokolweleko mwoni wange, wa cikongo cange ca mbunge, liyembe lyange. Mutwe wange unajulu na lime, na vin̄ambu vyange vinajulu na mbundu.”

Isaya 43:1

Isalele, Shukulu Kalunga uje wamitangele alinakwendeka ngwendi, “Kesi muzive lyova, njikamyamena. Njakusana a lizina lyove, ngeci unapu u wange.

Mateo 14:27

Oloni Yesu wendekele navo ngwendi, “Simpeni! Yange, kesi muzive lyova!”

Mako 10:51

Co Yesu wamwihwile ngwendi, “Vika ushaka njikulingilevyo?” Co uje kapuputwa wamukumbulwile ngwendi, “Mulongisi, njishaka ngeci njimone lalo.”

Luka 10:41

Mwene wamukumbulwile ngwendi, “Mata, Mata! Ulinakuliyandesa a vipangi vyavingi,

Yowano 1:38

Yesu watengulukile nakukenga kunima, co wavamwene valinakumukava, co wavehwile ngwendi, “Vika mushaka?” Co vamukumbulwile ngwavo, “Lambi, wakala kuli?” (Lijwi eli lilumbunuka ngwalyo “Mulongisi.”)

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

Yowano 10:3

Muka-kunyunga ku cikolo amushokolwela, co vimanga vaziva lijwi lyendi omo avasana mazina avo, co avatwamenena anja.

Yowano 11:28

Omo Mata wendekele evi, welukile nakusana ndokazi yendi Maliya mu vushweke. Wamulekele ngwendi, “Mulongisi naija, co alinakukusana.”

Yowano 13:13

Munjitumbula ngweni Mulongisi na Mwene, co mucinapande vene kunjitumbula ngacije, omwo omu mukemwo vene munjapwa.

Yowano 20:28

Tomasi wamukumbulwile ngwendi, “Mwene yange na Njambi yange!”

Yowano 3:2

Munalume ou waile kuli Yesu vutsiki, co wendekele kuli ikeye ngwendi, “Mulongisi, twazivuka ngwetu yove u mulongisi wakutunda kuli Njambi. Omwo naumo wai asa kulinga vizivukiso viwulinakulinga kuvanga Njambi akale amo nendi.”

Yowano 5:2

Kuje ku Yelusalema kuyehi na Cikolo ca Vimanga kwakele lishali lyakele na mambalanda atanu, mu ndaka ya ciHevelu valitumbwile ngwavo Mbetezasa.

Yowano 6:25

Omo vanu vawanene Yesu musambwa ya lishali, vendekele kuli ikeye ngwavo, “Mulongisi, unetele kuno simbu ika?”

Vilinga vya Miluwa 10:3

Yapwile ola yamucitatu ku cingwezi omo wamwene mwamuvwa cimona muje mwamwene kangelo ka Njambi wezile kuli ikeye nakwendeka ngwendi, “Konelyasi!”

Vilinga vya Miluwa 9:4

Co wawililile asi wazivile lijwi lyendekele kuli ikeye ngwalyo, “Saulu, Saulu! Vika ulinakunjiyandesela?”

1 Samwele 3:10

Co Shukulu Kalunga wezile nakwimana kuje, wamusanene ngwe mwalingile akulivanga ngwendi, “Samwele! Samwele!” Samwele wamukumbulwile ngwendi, “Endeka, ngamba yove alinakukutolilila.”

1 Samwele 3:6

Co Shukulu Kalunga wasanene Samwele lwamucivali lalo, Samwele wendukile, waile kuli Eli, nakwendeka ngwendi, “Yange uno omwo unanjisana.” Oloni Eli wamukumbulwile ngwendi, “Kunjakusanene munange, ya ukalale.”