Yowano 20:15 - Livulu lya Shukulu Kalunga

¹⁵ Yesu wamwihwile ngwendi, “Ove munakazi, vika ulinakulilila? Iyajo ushakezeka?” Maliya wayongwele ngwendi amo ndimi, ngecivene, wendekele kuli ikeye ngwendi, “Mwene, nga yove unamwambata njileke oku unamwaka, co njiyeko njikamwambate.”

Yowano 20:15 Iomraidhean Croise

Myaso ya Solomoni 3:2

Njaile nakwendangana mu nganda, mu vitapalo na mu tungila twatundondo, njashakezekele uje injazema. Njamushakezekele oloni kunjamuwanene.

Myaso ya Solomoni 6:1

Yove uwamuvwa akati ka vanakazi voshe, kulijo nai muka-cizemo cove? Kulijo kwanakengesela muka-cizemo cove, ngeci tukukwase kumukengezeka?

Mateo 12:34

Yeni muyati wa mambwambwa, vatijo mwasa kwendeka vyuma vyavivwa kuma yeni mwapwa mu vaka-vivi? Omwo kanwa kakendeka vije vyashula mu mbunge.

Mateo 28:5

Oloni uje kangelo wendekele kuli vaje vanakazi ngwendi, “Kesi muzive lyova. Omwo njinazivuka ngwange mushakezeka Yesu, uje ivashukikile a cilindakano.

Mako 16:6

Co wendekele navo ngwendi, “Kesi mulikomokele, njazivuka ngeci mushakezeka Yesu wa ku Nazaleta, uje ivashukikile a cilindakano. Nasanguka, waimo muno! Kengeni, omu mukemwo mu mwela muvamulangekele.

Luka 2:44

vayongwele ngwavo amo ali a cendo, ngecivene, vendele vungenzi vwa litangwa limo, co vamukengezekele akati ka vavushoko vwavo na vasamba vavo,

Luka 24:5

Co vaje vanakazi vazivile lyova, vakulamenene asi, omo vaje vanalume vendekele kuli vakevo ngwavo, “Omwo vika mushakezeka muka-kuyoya akati ka vatsi?

Yowano 1:38

Yesu watengulukile nakukenga kunima, co wavamwene valinakumukava, co wavehwile ngwendi, “Vika mushaka?” Co vamukumbulwile ngwavo, “Lambi, wakala kuli?” (Lijwi eli lilumbunuka ngwalyo “Mulongisi.”)

Yowano 18:4

OmoYesu wazivukile vyoshe vije vikalingiwa kuli ikeye, ngecivene, washwenyele kulutwe lwavo wavehwile ngwendi, “Iyajo mulinakushakezeka?”

Yowano 18:7

Yesu wavehwile lalo ngwendi, “Iyajo mulinakushakezeka?” Co vendekele ngwavo, “Yesu wa ku Nazaleta.”

Yowano 20:13

Vamwihwile ngwavo, “Munakazi, vika ulinakulilila?” Wavakumbulwile ngwendi, “Vanambata Mwene yange, co kunjizivuka oku vanamwaka!”

1 Samwele 1:16

Kesi uyongole ngwove yange nji munakazi wakujeneka seo embwe. Njinakala nakulombela ngacije omwo njili mu vukalu manene.”