Yowano 20:12 - Livulu lya Shukulu Kalunga

¹² co wamwene tungelo vavali vanazala vuzalo vwakutoka, vanatumbama kuje kwakele muvila wa Yesu, umo ku mitwe mukwavo ku mendi.

Yowano 20:12 Iomraidhean Croise

2 Mizimbu 5:12

Co vaLevi voshe vaje vapwile vaka-kwimba, Asafe, na Hemane, na Njendutune, na vanu va ku vikota vyavo, vazalele vuzalo vwa linyu. Co vaLevi vemanene ku mutambela wa mu ngangela kuyehi na mutula vakwatele vingenjo, na tulyalya, amo na vaka-kukombelela vakupwa 120 vaje vakele nakwimba malupembo.

Ndanyele 7:9

Njakengele omo vaakele matanda mu myela yawo. Umo uje wakala ku myaka yoshe watumbamene a litanda limo lya akati ka matanda aje. Vuzalo vwendi vwatokele to ngwe memba, vin̄ambu vyendi vyatokele to ngwe kanyange-yange. Litanda lyendi valyakele a mavalo a tuhya aje akele nakwezoka milangi ya tuhya,

Mateo 17:2

Co omo vamukengele, wemukile mweka ku mesho avo, co cihanga cendi cavyazimine ngwe misha ya litangwa, na vuzalo vwendi vwatokele too ngwe ceke.

Vilinga vya Miluwa 1:10

Co omo vakengele mwilu shwii omo Yesu wakele nakuya, vamo vanalume vavali vazalele vuzalo vwakutoka vemanene kuyehi navo

Kujombolola 3:4

Oloni vamo veni vavandondo mu Salendisiya vananyungu vuzalo vwavo kupwa vwakujela. Vakenda amo nange, nakuzala vuzalo vwakutoka, omwo vafwila kulinga ngacije.

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.