Yowano 2:4 - Livulu lya Shukulu Kalunga

⁴ Co Yesu wamukumbulwile ngwendi, “Ove munakazi kuwapandele kunjileka vije njinapandele kulinga. Simbu yange kanda yete.”

Yowano 2:4 Iomraidhean Croise

2 Samwele 16:10

Co mwene wendekele kuli Avishai na kuli ndolome yendi Yowave ngwendi, “Evi kuvyamikundamene embwe. Nga ikeye alinakunjisinga omwo Shukulu Kalunga ikeye namuleke kulingamo, co iyajo ali na moko yakumwihula omwo vika alinakulingamo?”

2 Samwele 19:22

Oloni Ndaviti wendekele kuli Avishai na ndolome yendi Yowave ngwendi, “Iyajo nehula viyongola vyeni? Kuma yeni mushaka kunjaka mu vukalu ndi? Ololo yange njinapu mwene wa vaIsalele, co kukwesi lalo kaIsalele ivakatsiya ku litangwa lya lelo wai.”

1 Vimyene 17:18

Uje fwile wendekele kuli Elinja ngwendi, “Yove munu wa Njambi, omwo vikajo unalingila eci kuli yange? Kuma yove unaija kuno mukwanukisa Njambi a vuvi vwange ngeci munange atse?”

Muka-kwambulula 3:1

Vyuma vyoshe vili ano asi vili na simbu yavyo ije yanemika Njambi.

Mateo 15:28

Ngecivene, Yesu wamukumbulwile ngwendi, “Ove munakazi kukulaela kwove kwakama manene! Cilingiwe kuli yove ngwe kukushaka kwove.” Co kutunda a simbu ije vene munendi wa munakazi wakangukile.

Mateo 8:29

Co vwasi-vwasi vatambekele ngwavo, “Ushaka kulinga vika netu ove Muna Njambi? Unaija nakutunyanyamesa omo simbu yetu kanda icete ndi?”

Luka 2:49

Co ikeye wavakumbulwile ngwendi, “Vika munanjishakezekela? Kuma kumwazivukile ngweni njinapande kukala mu Njuvo ya Tate ndi?”

Yowano 12:23

Co Yesu wavakumbulwile ngwendi, “Simbu inete omwo Muna Munu atambule vumpau.

Yowano 13:1

Simbu litangwa lya Ciwano ca Pasovala kanda lyete, Yesu wazivukile ngeci simbu yendi inete yakutunda muno mu kaye nakuya kuli Ishe. Ikeye wazemene vaje vakele muno mu kaye vaje vapwile vendi, co wavazemene na akukotoka.

Yowano 2:3

Omo vinyu vyahwile, vaina ya Yesu vendekele kuli ikeye ngwavo, “Vinyu vinahu.”

Yowano 20:13

Vamwihwile ngwavo, “Munakazi, vika ulinakulilila?” Wavakumbulwile ngwendi, “Vanambata Mwene yange, co kunjizivuka oku vanamwaka!”

Yowano 20:15

Yesu wamwihwile ngwendi, “Ove munakazi, vika ulinakulilila? Iyajo ushakezeka?” Maliya wayongwele ngwendi amo ndimi, ngecivene, wendekele kuli ikeye ngwendi, “Mwene, nga yove unamwambata njileke oku unamwaka, co njiyeko njikamwambate.”

Yowano 7:30

Ngecivene, vashakele kumukwata, oloni naumo wai wakambekele livoko ali ikeye, omwo simbu yendi te kanda yete.

Yowano 7:6

Yesu wendekele kuli vakevo ngwendi, “Simbu yange kanda icete. Oloni kuli yeni simbu yoshe inapu yaivwa.

Yowano 7:8

Yeni ku ciwano. Yange kunjiiko, omwo simbu yange kanda icete.”

Yowano 8:20

Yesu wendekele vyoshe evi omo wakele nakulongesa mu Njuvo ya Shukulu Kalunga, mu mulili muje mwakele vikasa vyakulambwila milambu. Oloni naumo wai wamukwatele, omwo simbu yendi te kanda icete.

2 Kolinte 5:16

Ngecivene, kukwesi simbu yeka lalo itukasompa munu woshe-iwoshe mu cisemwa ca ano asi, nambe nga ku simbu imo twasompele Kilistu ngwe ku cisemwa ca ano asi, kutukelukilamo lalo kulinga ngacije.

Kwituluka mu Mashiko 33:9

Vakevo vasholwele kasingimiko kakama kuli yove, kutuvakana ku visemi vavo, nambe ku vandolome vavo, nambe ku vana vavo. Vononokele mashiko ove, vapwile va kulongwa ku cikumiiyo cove.