Yowano 2:23 - Livulu lya Shukulu Kalunga

²³ Omo Yesu wakele mu Yelusalema a simbu ya Ciwano ca Pasovala, vavangi vakulaelele kuli ikeye akumona vizivukiso vije vyalingile.

Yowano 2:23 Iomraidhean Croise

Luka 8:13

Co vije vimbuto vyawililile a mamanya vinemanena vaje vaziva lijwi, co valitambula nakujolela, oloni kulyasa kukovela manene muli vakevo, vakulaela lika kasimbu, oloni omo vyeseko vija, co aje vene valikela.

Yowano 11:45

Vanu vavangi vaje vezile kuli Maliya vamwene vije vyalingile Yesu, co vakulaelele kuli ikeye.

Yowano 2:11

Yesu walingile eci cizivukiso cakulivanga ku Kana mu Ngalileya, kuje kwasholwele vumpau vwendi, co vandongisi vendi vamukulaelele.

Yowano 2:13

Yapwile simbu ya Ciwano ca Pasovala, ngecivene, Yesu waile ku Yelusalema.

Yowano 3:2

Munalume ou waile kuli Yesu vutsiki, co wendekele kuli ikeye ngwendi, “Mulongisi, twazivuka ngwetu yove u mulongisi wakutunda kuli Njambi. Omwo naumo wai asa kulinga vizivukiso viwulinakulinga kuvanga Njambi akale amo nendi.”

Yowano 4:45

Ngecivene, omo wetele mu Ngalileya, vanu kuje vamutambwile mwamuvwa, omwo vaile ku Ciwano ca Pasovala mu Yelusalema, co vakamwene vyuma vyoshe vije vyalingile ku ciwano.

Yowano 5:36

Oloni yange njili na vukaleo vwakutuvakana vukaleo vuje vwambulwile Yowano, omwo evi vinjilinga, vinapu vipangi vije vyanjanene Tate ngeci njivilinge, evi vilinakwendeka ali yange mukumwesa ngeci Tate wanjitumine.

Yowano 6:14

Omo vanu vakele kuje vamwene cikomokeso eci calingile Yesu, vendekele ngwavo, “Mwa vushunga ou ikeye Muka-kwimanena uje naija ano a kaye!”

Yowano 6:2

Co mbunga yakama vamukavele, omwo vamwene vizivukiso vyendi vyakukangwisa vaka-kuvinja.

Yowano 7:31

Oloni vanu vavangi vamuje mu mbunga vamukulaelele, vendekele ngwavo, “Omo Wakuvwavesa akaija, kuma akalinga vizivukiso vyavingi kutuvakana evi vyalinakulinga ou munalume ndi?”

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

1 Yowano 3:23

Eci cikeco canashiki ngeci tukulaele mu lizina lya Munendi Yesu Kilistu, co tulinakulizema umo na mukwavo, ngwe Kilistu watushikile.