Yowano 2:20 - Livulu lya Shukulu Kalunga

²⁰ Vamwihwile ngwavo, “Kuma yove wasa kuyitungulula lalo a matangwa atatu ndi? Eyi Njuvo ya Shukulu Kalunga vaitungile myaka makumi awana na myaka itanu na umo!”

Yowano 2:20 Iomraidhean Croise

1 Vimyene 6:38

Ku ngonde yamucitanu na vitatu, mu ngonde ya Mbule, mu mwaka wamulikumi na umo wakushwana kwa Solomoni, Njuvo ya Shukulu Kalunga yoshe yahwile ngwe ku vutumbe vuvaitumbilile. Co Solomoni waitungile myaka itanu na ivali.

Ezela 5:16

Ngecivene, Sheshevazale wezile, wendile luvula lwa Njuvo ya Shukulu Kalunga, co kutunda aje vipangi vyaile kulutwe noo ku simbu ino, oloni Njuvo ya Shukulu Kalunga kanda ihwe.’

Mateo 24:1

Yesu watuukile mu Njuvo ya Shukulu Kalunga, washakele kuya, omo vandongisi vendi vezile kuli ikeye vamumwesele vinjuvo vya Njuvo ya Shukulu Kalunga.

Luka 21:5

Vandongisi vamo vakele nakwendeka a Njuvo ya Shukulu Kalunga, vuvwa vwayo na vuvwa vwa mamanya, na vwana vakele nakulambula kuli Njambi. Co Yesu wendekele ngendi,

Yowano 1:19

Co vaka-kushwana va vaYunda mu Yelusalema vatumine vamo vaka-kukombelela na vaLevi kuli Yowano ngeci vakamwihule ngwavo, “Yove iyajo?”

1 Kolinte 15:4

ngwavo vamutsindile, co munima ya matangwa atatu wasangukilile ku mwonyo, ngwe muvanasoneka mu Visoneka,