Yowano 2:18 - Livulu lya Shukulu Kalunga

¹⁸ VaYunda vamwihwile ngwavo, “Cikomokeso mukajo ciwulinga utumwese ngeci uli na moko yakulinga ngeci?”

Yowano 2:18 Iomraidhean Croise

1 Vimyene 13:3

Co uje muka-kwimanena watwaleleo nakwendeka ngwendi, “Mutula ou ukavujuka, co lito lyao likashandoka. Asinoni ukazivuka ngeci Shukulu Kalunga ikeye nendeka muli yange.”

Kutuuka 7:9

“Nga mwene ashaka ngeci musholole vukaleo vwakulinga vikomokeso, leka Alone ambate mulamu wendi, aumbile asi ku mesho a mwene, ngeci ukewo ukalimuke linyoka.”

Mateo 21:23

Co omo Yesu wakovelele mu Njuvo ya Shukulu Kalunga, co omo wavalongesele, vakulunu va vaka-kukombelela na vakulunu vezile kuli ikeye, vamwihwile ngwavo, “Na moko yeyajo ulinakulinga nayo vyuma evi? Iyajo nakwana moko eyi?”

Mako 8:11

VaFaliseo vamo vezile kuli Yesu, co vashangumukile kulinga nendi vimata. Vashakele kumweseka, vamulombele ngeci alinge cizivukiso cije cimwesa ngeci Njambi namutava.

Luka 11:29

Mbunga ya vanu vazengelekele Yesu, co wakele nakwendeka ngwendi, “Vanu vavavi va matangwa ano vashaka lika cizivukiso, oloni cizivukiso nacimo cai vakamona kuvanga lika cizivukiso ca Yona.

Yowano 1:19

Co vaka-kushwana va vaYunda mu Yelusalema vatumine vamo vaka-kukombelela na vaLevi kuli Yowano ngeci vakamwihule ngwavo, “Yove iyajo?”

Yowano 1:25

asinoni vehwile Yowano ngwavo, “Nga kesi yove Wakuvwavesa, nambe Elinja, nambe Muka-kwimanena, omwo vika ulinakumbatizila?”

Yowano 6:30

Ngecivene, vamukumbulwile ngwavo, “Cizivukiso muka ulinga ngeci tucimone, co tukukulaele? Vipangi mukajo ukalinga?

Vilinga vya Miluwa 4:7

Co vemikile miluwa ku mesho avo vavehwile ngwavo, “Vati munalingi eci? Nzili yeyayo mulinayo? Nambe mu lizina lyeyajo munalingi cuma eci?”

Vilinga vya Miluwa 5:28

“Twamishikile ngwetu kesi mulongese lalo mu lizina lya munalume ou, oloni kengeni evi vimunalingi! Munashandola laja vilongesa vyeni mu Yelusalema mwoshe, co mushaka lalo mutuwanese mulonga wa kutsa kwendi!”