Yowano 19:6 - Livulu lya Shukulu Kalunga

⁶ Omo vakulunu va vaka-kukombelela na vaka-kunyunga Njuvo ya Shukulu kalunga vamumwene, vatambekele ngwavo, “Mushukike a cilindakano! Mushukike a cilindakano!” Pilato wendekele kuli vakevo ngwendi, “Mwambateni mukamushukike a cilindakano. Omo kunjawanene mulonga wakumuhisa nawo wai.”

Yowano 19:6 Iomraidhean Croise

Mateo 26:58

Oloni Petulu wamukavele alyala kamandondo, noo vetele ku cipango ca njuvo ya Muka-kukombelela Wakama. Co wakovelele mukati, watumbamene amo na vaka-kunyunga, ngeci amone muvihwila vyuma vyoshe.

Mateo 27:22

Pilato wavehwile ngwendi, “Vikoni njikalinga na Yesu ou ivatumbula Kilistu?” Co voshe vatambekele ngwavo, “Mushukike a cilindakano!”

Mateo 27:24

Omo Pilato wamwene ngeci nomu mwalinga vene mwai, oloni lwozi lunasa kushangumuka, wambatele mema, wajwelele ku mavoko endi ku mesho a mbunga, co wendekele ngwendi, “Yange kunjesi na mulonga a kutsa kwa munu ou! Ou mulonga weni vavenya.”

Luka 23:4

Co Pilato wendekele kuli vakulunu va vaka-kukombelela na mbunga ngwendi, “Yange kunjawanene mulonga ali munu ou.”

Yowano 18:3

Ngecivene, Yundasa waile ku citungu cije, waile amo na mashwalale va vaLoma na vamo vaka-kunyunga Njuvo ya Shukulu Kalunga vaje vavatumine kuli vakulunu va vaka-kukombelela amo na vaFaliseo, vakele na vitwa vezile na vindeya na mitetango ya tuhya.

Yowano 18:31

Pilato wendekele kuli vakevo ngwendi, “Yeni nendi yeni vavenya mukamusompe ngwe ku lishiko lyeni.” Vakumbulwile ngwavo, “Kucitava yetu kutsiya munu.”

Yowano 18:38

Co Pilato wehwile ngwendi, “Vushunga vukevwo vuka?” Asinoni Pilato watuukile lalo anja kuli vanu wendekele kuli vakevo ngwendi, “Kunjawanene cuma cakumwanena mulonga.

Yowano 19:15

Vatambekele ngwavo, “Mutsiye! Mutsiye! Mushukike a cilindakano!” Pilato wavehwile ngwendi, “Kuma mushaka njishukike mwene yeni a cilindakano ndi?” Vakulunu va vaka-kukombelela vakumbulwile ngwavo, “Kutwesi na mwene weka lalo wai kuvanga Sezale!”

Yowano 19:4

Pilato watuukile lalo anja wendekele ku mbunga ngwendi, “Kengeni, njimutuwisa anja kuli yeni ngeci muzivuke ngweni kunjawanene mulonga wakumuhisa nawo.”

Vilinga vya Miluwa 2:23

Njambi mu cizango cendi vavenya wayongwele laja ngeci Yesu vakamwana ku mavoko eni, co yeni mwamutsiile akutava vaka-vivi ngeci vamushukike a cilindakano.

Vilinga vya Miluwa 7:52

Muka-kwimanena mukajo ivajenekele kuyandesa vakukulwila veni? Vakukulwila veni vatsiile miluwa va Njambi vaje ku san̄ulu vambulwile kwija kwa Ngamba yendi wa vushunga. Co ololo yeni munamwende vungungu nakumutsiya.