Yowano 19:38 - Livulu lya Shukulu Kalunga

³⁸ Munima ya vyuma evi, Yosefa wa ku Alamatiya, walombele Pilato ngeci akambate muvila wa Yesu. (Yosefa wapwile ndongisi ya Yesu, oloni wacilingile mu vushweke, omwo wazivile lyova lya vaka-kushwana va vaYunda.) Pilato wamulekele ngeci asa kwambata muvila wa Yesu, ngecivene, Yosefa waile, co wambatele muvila wa Yesu.

Yowano 19:38 Iomraidhean Croise

Visimo 29:25

Kuzivila vanu lyova kunapu kulitela nganjo yove vavenya, oloni nga ukulaela kuli Shukulu Kalunga ukovoka.

Yowano 12:42

Nameme ngoco, vaka-kushwana vavangi va vaYunda vakulaelele kuli Yesu, oloni omwo lyova lya vaFaliseo, kuvasele kuvyendeka citona-mesho, ngecivene, kutewa vavasheka mu sinangonge.

Yowano 7:13

Oloni naumo wai wendekele ali ikeye citona-mesho, omwo vakele na lyova lya vantwama va vaYunda.

Yowano 9:22

Visemi vendi vendekele ngeci omwo vazivile lyova lya vakulunu va vaYunda, vaje valizivasanene laja ngeci nga umo endeka ngwendi Kilistu ikeye Wakuvwavesa, co vamusheka mu sinangonge.

Vilinga vya Miluwa 13:29

Co omo vanalingi vyoshe vije ngwe muvyendeka Visoneka ali ikeye, vamutundisile a cilindakando nakumwaka mu mbumbo.

Filipu 1:14

Co kukala kwange mu kamenga cinakwasa manene vaka-kukulaela kukulaela manene muli Mwene, ngeci vapwe vaka-kusimpa simbu yoshe mukwambulula lijwi kujeneka lyova.