Yowano 19:28 - Livulu lya Shukulu Kalunga

²⁸ Omo Yesu wazivukile ngeci ololo vyuma vyoshe vinahu, co mukushulisa visoneka ngeci vipwe vya vushunga wendekele ngwendi, “Njili na lihwila.”

Yowano 19:28 Iomraidhean Croise

Myaso 22:15

Mulivu wange unominina cau, co ndaka yange inasata mu ndakwilo. Yove unanjiseza mu livu ngeci njitsilemo.

Myaso 69:21

Omo njakele na njala, vanjanene nyanga, omo njakele na lihwila, co vanjanene vinyu vyakulula.

Luka 12:50

Njinavandamena kumbwitika kuje kuvanapande kunjimbwitika, oloni njinalijujukila noo kumbwitika kuje kukahwa!

Luka 18:31

Yesu watwalele vandongisi vendi likumi na vavali kwavo lika, co wendekele kuli vakevo ngwendi, “Tolilileni! Tulinakuya ku Yelusalema kuje vyuma vyoshe vije vivasonekele kuli vaka-kwimanena vya ali Muna Munu ngeci vikalingiwe.

Luka 22:37

Omwo njimileka ngwange visoneka vije vyendeka ngwavyo, ‘Vamulavelele amo mu luvinda lwa vaka-kutsiya,’ co vinapande kulingiwa ali yange, omwo vije vivasonekele ali yange vilinakusholoka kupwa vya vushunga.”

Luka 9:31

vaje vasholokele mu vumpau vwa mwilu vakele nakwendeka na Yesu a ngila ije yakushulisilamo vwasi vutumbe vwa Njambi a kutsa kwendi mu Yelusalema.

Yowano 13:1

Simbu litangwa lya Ciwano ca Pasovala kanda lyete, Yesu wazivukile ngeci simbu yendi inete yakutunda muno mu kaye nakuya kuli Ishe. Ikeye wazemene vaje vakele muno mu kaye vaje vapwile vendi, co wavazemene na akukotoka.

Yowano 17:4

Njinasholola vumpau vwove ano asi, co njinamanesa vipangi vije viwanjanene ngeci njivilinge.

Yowano 18:4

OmoYesu wazivukile vyoshe vije vikalingiwa kuli ikeye, ngecivene, washwenyele kulutwe lwavo wavehwile ngwendi, “Iyajo mulinakushakezeka?”

Yowano 19:24

Mashwalale valyendekesele umo na mukwavo ngwavo, “Kesi tucitavule, oloni tuteni n̄ela tumone iya acambata.” Eci cilingiwe ngeci visoneka vipwe vya vushunga omo vyendekele ngwavyo, “Vanalipangezela vuzalo vwange akati kavo, co vatele n̄ela a cikoveyo cange cacilaja.” Co omu mukemwo muvalingile mashwalale.

Yowano 19:30

Omo Yesu wanwile vije vinyu wendekele ngwendi, “Kunau!” Co watepwile mutwe wendi wecelele munzinzime wendi.

Yowano 19:36

Omwo evi vyalingiwile ngeci visoneka vipwe vya vushunga omo vyendeka ngwavyo, “Vitsiya vyendi nacimo cai cikapokokako.”

Yowano 4:34

Yesu wendekele kuli vakevo ngwendi, “Vyakulya vyange vinapu kwononoka cizango ca uje wanjitumine nakumanesa vipangi vyanjanene ngeci njivilinge.

Vilinga vya Miluwa 13:29

Co omo vanalingi vyoshe vije ngwe muvyendeka Visoneka ali ikeye, vamutundisile a cilindakando nakumwaka mu mbumbo.