Yowano 19:24 - Livulu lya Shukulu Kalunga

²⁴ Mashwalale valyendekesele umo na mukwavo ngwavo, “Kesi tucitavule, oloni tuteni n̄ela tumone iya acambata.” Eci cilingiwe ngeci visoneka vipwe vya vushunga omo vyendekele ngwavyo, “Vanalipangezela vuzalo vwange akati kavo, co vatele n̄ela a cikoveyo cange cacilaja.” Co omu mukemwo muvalingile mashwalale.

Yowano 19:24 Iomraidhean Croise

2 Vimyene 15:12

Ngecivene, vashulisile cikulaeso cije calingile Shukulu Kalunga kuli Mwene Yehu ngwendi, “Vatekulwila vove vakapwa vimyene va mu Isalele kweta ku cisemwa camuciwana.”

Myaso 22:18

valipangezela vuzalo vwange, nakuvuta n̄ela akati kavo.

Kutuuka 28:32

Co cikale na mbengwa mwakutuwisila mutwe. Co ku mbengwa eyi vetiseko lupula kutewesa kutavuka.

Isaya 10:7

Oloni mwene wa vaAsilya ali na matumbe endi a lwozi mu mbunge. Nalivwaesela cimweja kunyongesa miyati yaingi.

Mateo 27:35

Co omo vamushukikile a cilindakano, vatele n̄ela akulipangela vuzalo vwendi.

Mako 15:24

Asinoni vamushukikile, co valipangelele vuzalo vwendi akati kavo, vatele n̄ela ngeci vawane munu na munu canapande kwambatao.

Luka 23:34

Yesu wendekele ngwendi, “Tate vasambese! Omwo kuvazivuka vika valinakulinga.” Co valipangelele vuzalo vwendi akati kavo akuta n̄ela.

Yowano 10:35

Tunazivuka ngeci visoneka vinendeka vushunga ku myaka yoshe, co Njambi watumbwile vaje vanu vinjambi, vanu vaje vaanene majwi endi.

Yowano 13:18

“Kunjesi nakwendeka yeni voshe embwe, njinazivuka vaje njinaangula. Oloni visoneka vipwe vya vushunga omo vyendekele ngwavyo, ‘Munu uje walile vyakulya nange nemuka citozi cange.’

Yowano 19:28

Omo Yesu wazivukile ngeci ololo vyuma vyoshe vinahu, co mukushulisa visoneka ngeci vipwe vya vushunga wendekele ngwendi, “Njili na lihwila.”

Vilinga vya Miluwa 13:27

Omwo vanu vaje valinakuyoya mu Yelusalema na vantwama vavo omwo kuvazivukile ngeci ikeye napu Muyoyesi, nambe kuzivisisa majwi a vaka-kwimanena aje avakalava a Litangwa na Litangwa lyoshe Lyakuhwima. Nameme ngoco valingisile majwi a vaka-kwimanena kupwa a vushunga omo vawanenene Yesu mulonga.