Yowano 19:17 - Livulu lya Shukulu Kalunga

¹⁷ Yesu watuukile anja oku nambata cilindakano cendi vavenya, co vezile ku “Mutambela wa Cikola,” ngwe muvautumbwile. (Mu ciHevelu vautumbula ngwavo, “Ngolongota.”)

Yowano 19:17 Iomraidhean Croise

Kushangumuka 22:6

Ngecivene, Avilahama watwikile Isake vitale vyakukombelela navyo, oloni ikeye wambatele manungu a tuhya na moko. Co vaile muvuvali vwavo.

1 Vimyene 21:13

Co vaje vipapoki vavali vamukutiiye ku mesho a vanu ngwavo natuku Njambi na mwene, ngecivene, vamutwalele anja ya nganda vamwashele mamanya nakumutsiya.

VaLevi 24:14

“Tuwiseni anja ya cilombo uje munalume nashawile lizina lyange. Munu na munu uje nazivile omo nashawile akakambeke mavoko endi a mutwe wa uje munalume mukushulisa vukaleo ngwendi ali na mulonga. Asinoni mbunga yoshe vakamwashe mamanya.

Mateo 10:38

Woshe uje kambata cilindakano cendi nakukavangeya mu myanja yange kapandele kupwa ndongisi yange.

Mateo 16:24

Asinoni Yesu wendekele kuli vandongisi vendi ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye.

Mateo 27:37

Co vasonekele mukanda wa majwi aje vamuhisile nawo, vawakele akamwa ya mutwe wendi ngwavo, “Ou ikeye Yesu Mwene ya vaYunda.”

Mako 10:21

Co Yesu wamukengele na cizemo, co wendekele kuli ikye ngwendi, “Cuma cimolika cinasalako. Ya ukalandese vyoshe ulinavyo co ukaane vimbongo ku tuutu, co ukakala na vufuko mwilu, asinoni wije unjikave.”

Mako 15:26

Co vasonekele canukiso cakumuvangela ngwavo, “Mwene ya vaYunda.”

Mako 15:32

Tumoneni Wakuvwavesa, mwene wa Isalele, ashuluka a cilindakano ololo, co tukulaela kuli ikeye!” Co vaje lalo vavali vavashukikile amo na Yesu vamutengulukilile nakumushaula.

Mako 8:34

Asinoni Yesu wasanene ije mbunga na vandongisi vendi vaije kuli ikeye, co wendekele ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye.

Luka 14:27

Co woshe uje kambata cilindakano cendi nakunjikava kasa kupwa ndongisi yange embwe.

Luka 23:26

Mashwalale vatwalele Yesu, co omo vakele nakuya, valiwanene na munalume umo lizina lyendi Simoni wa ku Silene, uje wezile ku nganda kutunda ku mahya. Co vamukwatele vamutwikile cilindakano, co vamulekele ngeci akave Yesu munima.

Luka 23:33

Omo vetele ku mutambela umo uvatumbwile ngwavo, “Cikola,” co vashukikile Yesu a cilindakano, na vaje mapwepwe vavali, umo ku cilyo mukwavo ku cimoshwe.

Luka 23:38

Vasonekele majwi awa akamwa ya cilindakano cendi ngwavo, “Ou ikeye Mwene ya vaYunda.”

Luka 9:23

Co wendekele kuli vakevo lalo ngwendi, “Nga munu ashaka kunjikava, napande kulivyana ikeye vavenya, ambate cilindakano cendi a litangwa na litangwa, co anjikavangeye.

Yowano 19:13

Omo Pilato wazivile majwi awa, watuwisile Yesu anja, co watumbamene a citumbamo cakusompela mu mwela uvatumbwile ngwavo, “Mutambela Wakujala na Mamanya.” (Mu ciHevelu ngwavo, “Ngambata.”)

Yowano 5:2

Kuje ku Yelusalema kuyehi na Cikolo ca Vimanga kwakele lishali lyakele na mambalanda atanu, mu ndaka ya ciHevelu valitumbwile ngwavo Mbetezasa.

Vilinga vya Miluwa 7:58

asinoni vamukokelele anja ya nganda, co vamwashele mamanya. Vakaleo vasezele vikoveyo vyavo nakuvinyunga kuli mukwenje umo lizina lyendi Saulu.