Yowano 18:4 - Livulu lya Shukulu Kalunga

⁴ OmoYesu wazivukile vyoshe vije vikalingiwa kuli ikeye, ngecivene, washwenyele kulutwe lwavo wavehwile ngwendi, “Iyajo mulinakushakezeka?”

Yowano 18:4 Iomraidhean Croise

1 Vimyene 18:10

Njilisinga mu lizina lya Shukulu Kalunga, Njambi yove wakuyoya ngwange mwene nalanya cilanyo caali yove mu lifuti lyoshe lya mu kaye. Oshe aje muka-kushwana wa lifuti lika nambe lika alinga vukaleo ngeci kuwesimo mu lifuti lyendi, co Ahave ehula uje muka-kushwana alisinge ngeci kuvasa kukuwana.

Nehemiya 6:11

Co yange njamukumbulwile ngwange, “Yange kunjesi na cifwa cakutewa munu nakuvanda. Kuma yove unayongola ngwove yange njasa kweseka kwamena mwonyo wange akuvanda mu Njuvo ya Shukulu Kalunga ndi? Kunjasa kulingamo embwe.”

Myaso 27:3

Nameme nga mashwalale voshe vanjizengeleka, kunjizivi lyova embwe, nameme nga vitozi vanjilwisa, anga njikakulaela Njambi.

Myaso 3:6

Kunjesi na lyova lya vitozi vavangi-vangi vaje vananjizengeleka mukulwa nange.

Visimo 28:1

Vaka-vuvi vatewa nambe wai avasheka, oloni muka-vushunga wapwa wakusimpa ngwe ndumba.

Mateo 16:21

Kutunda a simbu ije, Yesu washangumukile kuleka vandongisi vendi ngwendi, “Njinapande kuya ku Yelusalema, nakuyanda manene ku mavoko a vakulunu, na kuli vakulunu va vaka-kukombelela, na kuli valongisi va majwi a Lishiko. Co vakanjitwala ku kutsa, oloni omo kuneti matangwa atatu njikasanguka.”

Mateo 26:2

“Mwazivuka ngeci omo kwita matangwa avali lika, kukakala Ciwano ca Pasovala, co Muna Munu vakamwana ngeci vamushukike a cilindakano.”

Mateo 26:21

Co omo vakele nakulya Yesu wendekele kuli vandongisi vendi ngwendi, “Mwa vushunga njimileka ngwange umo akati keni akanjenda vungungu.”

Mateo 26:31

Asinoni Yesu wavalekele ngwendi, “Ku vutsiki vuno vene, yeni voshe mukatewa nakunjiseza ange lika, omwo visoneka vinendeka ngwavyo, ‘Njambi akatsiya kanyungi, co vutanga vwa vimanga vukalishandoka!’

Luka 24:44

Co wavalekele ngwendi, “Evi vikevyo vyuma vije njamilekele omo njakele neni ngwange, vyuma vyoshe vije vasonekele mu Lishiko lya Mosesa, na mu visoneka vya vaka-kwimanena, na mu Myaso vyakunjitumbula yange vinapande kulingiwa.”

Yowano 13:1

Simbu litangwa lya Ciwano ca Pasovala kanda lyete, Yesu wazivukile ngeci simbu yendi inete yakutunda muno mu kaye nakuya kuli Ishe. Ikeye wazemene vaje vakele muno mu kaye vaje vapwile vendi, co wavazemene na akukotoka.

Yowano 13:11

Omwo Yesu wazivukile uje akamwenda vungungu, mukemwo wendekele ngwendi, “Yeni muvavoshe munajele, kuvanga umolika.”)

Yowano 18:5

Vakumbulwile ngwavo, “Yesu wa ku Nazaleta.” Yesu wendekele ngwendi, “Yange vene.” Yundasa, uje wamwendele vungungu wemanene amo navo.

Yowano 18:7

Yesu wavehwile lalo ngwendi, “Iyajo mulinakushakezeka?” Co vendekele ngwavo, “Yesu wa ku Nazaleta.”

Yowano 19:28

Omo Yesu wazivukile ngeci ololo vyuma vyoshe vinahu, co mukushulisa visoneka ngeci vipwe vya vushunga wendekele ngwendi, “Njili na lihwila.”

Yowano 6:64

Oloni akati keni ali vamo kanda vakulaele.” (Omwo Yesu wazivukile tunde akulivanga vaje kuvakakulaela na uje akamwenda vungungu.)

Vilinga vya Miluwa 2:28

Unanjimwesa vingila vitwala ku mwonyo, co njivwaelela kukala kuyehi nove.’

1 Petulu 4:1

Ngecivene, ngwe omo Kilistu wayandele mu muvila, neni lalo munapande kulitakamesa yeni vavenya na viyongola vimo, omwo woshe uje ayanda ku muvila nalikela ku vuvi.