Yowano 18:37 - Livulu lya Shukulu Kalunga

³⁷ Pilato wamwihwile ngwendi, “Ngecivene, kuma yove unapu u mwene ndi?” Yesu wakumbulwile ngwendi, “Omo vene muunendeka ngwove nji mwene. A cuma eci vene njasemukile nakwija ano a kaye kwambulula vushunga. Woshe nakundama ku vushunga atolilila majwi ange.”

Yowano 18:37 Iomraidhean Croise

Isaya 55:4

Njamupwisile ntwama na muka-kushika miyati ya vanu, co wapwile mukaleo wange kuli vakevo.

Mateo 26:64

Yesu wamukumbulwile ngwendi, “Muunendeka mukemwo vene. Oloni njimileka muvavoshe ngwange, tunde a simbu ino mukamona Muna Munu natumbama ku livoko lya cilyo lya Muka-nzili yoshe, alinakwija a mashelwa!”

Mateo 27:11

Yesu wemanene ku mesho a Pilato nguvulu wa vaLoma, co wamwihwile ngwendi, “Yove mwene wa vaYunda ndi?” Yesu wamukumbulwile ngwendi, “Muunendeka mukemwo vene.”

Mako 14:62

Co Yesu wamukumbulwile ngwendi, “Yange vene, co yeni voshe mukamona Muna Munu natumbama ku livoko lya cilyo lya Muka-nzili yoshe, co alinakwija a mashelwa!”

Mako 15:2

Co Pilato wamwihwile ngwendi, “Yove Mwene wa vaYunda ndi?” Co Yesu wamukumbulwile ngwendi, “Omu muunendeka mukemwo vene.”

Luka 22:70

Co voshe vamwihwile ngwavo, “Kuma yove u Muna Njambi ndi?” Ikeye wavakumbulwile ngwendi, “Omo mumunendeka mukemwo vene.”

Luka 23:3

Pilato wamwihwile ngwendi, “Yove mwene ya vaYunda ndi?” Yesu wamukumbulwile ngwendi, “Omo muunendeka mukemwo vene.”

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 1:17

Omwo Njambi waanene Lishiko lyendi ali Mosesa, oloni kutetela na vushunga vinaija ali Yesu Kilistu.

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Yowano 3:32

Alinakusimutwiya vije vyanamono, co na vije vyanazivi, oloni naumo wai atambula muzimbu wendi.

Yowano 7:17

Woshe ashaka kulinga vije vyashaka Njambi akazivuka nga evi njilinakulongesa vitunda kuli Njambi nambe nga njilinakwendeka na moko yange.

Yowano 8:14

Yesu wavakumbulwile ngwendi, “Embwe, nameme nga njendeka vukaleo vwange, oloni vunapu vwa vushunga, omwo njazivuka kuje kunjatundile na kuje kunjiya. Oloni yeni kumuzivuka kuje kunjatundile nambe kuje kunjiya.

Yowano 8:45

Oloni yange njendeka vushunga, mukemwo kumwesi nakunjikulaela.

Yowano 8:46

Iyajo akati keni anjihisa a vuvi? Nga njendeka vushunga, omwo vika kumunjikulaela?

Yowano 8:47

Uje atunda kuli Njambi atolilila ku majwi a Njambi. Yeni kumwatundile kuli Njambi embwe, co mukemwo kumutolililako.”

1 Timateo 6:13

Ku mesho a Njambi, uje muka-kwana mwonyo ku vyuma vyoshe na ku mesho a Kilistu Yesu, uje waanene vukaleo vwendi ku mesho Pontiyu Pilato, njikushika ngwange,

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Yowano 2:21

Ngecivene, Njilinakumisonekela, kesi ngwe omwo kumuzivuka vushunga embwe, oloni omwo munavuzivuka, co lalo mwazivuka ngweni makuli naamo ai atunda ku vushunga.

1 Yowano 3:14

Tunazivuka ngwetu tunatundu mu kutsa tunakovela mu mwonyo, tunazivuka cuma eci omwo tulinakuzema vakwetu. Vaje kuvesi kuzema anga vacili mwisi ya nzili ya kutsa.

1 Yowano 3:19

Ngecivene, a cuma eci cikeco cituzivukisa ngeci ngwetu kuma tunakundama ku vushunga, eci cikeco cinatutakamesa mu vimbunge vyetu ku mesho a Njambi.

1 Yowano 4:6

Oloni yetu tunakundama kuli Njambi. Woshe uje azivuka Njambi atolilila kuli yetu, woshe uje kakundamene kuli Njambi kasa kutolilila kuli yetu. Ngecivene, omu mukemwo twasa kwangula akati ka Munzinzime wa vushunga na munzinzime wa makuli.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

Kujombolola 1:4

Viindu vyakutunda kuli Yowano vyakutuma ku vikungulukilo vije vitanu na vivali vya mu lifuti lya Asiya. Kutetela na kwoloka vyakutunda kuli Njambi ou aliko na uje wakeleko, co na uje akaija, vipwe vyeni, co vinatundu lalo kuli minzinzime ije itanu na ivali ili kulutwe lwa litanda lyendi,

Kujombolola 3:14

“Kuli kangelo wa ku cikungulukilo ca mu Laondisiya soneka ngwove, “Eli likelyo lijwi lyatundu kuli Ewa, mukaleo wa kulongwa na vushunga, ikeye nsina ya vyuma vyoshe vije vyatangele Njambi.