Yowano 18:36 - Livulu lya Shukulu Kalunga

³⁶ Yesu wakumbulwile ngwendi, “Vumwene vwange kesi vwa ano a kaye embwe, nga vumwene vwange vwapwile vwa ano a kaye, nga vandongisi vange vanalu kutewa vanjana kuli vaka-kushwana va vaYunda. Oloni vumwene vwange kesi vwa ano a kaye!”

Yowano 18:36 Iomraidhean Croise

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Mateo 26:53

Kuma kuuzivuka ngeci yange njasa kulomba Tate ngeci anjikwase? Co vwasi-vwasi asa kunjitumina vimbunga vya mashwalale va tungelo likumi na vivali ndi?

Luka 12:14

Yesu wamukumbulwile ngwendi, “Musamba wange, iyajo nanjipwisa muka-kusompa nambe muka-kumipangela vufuko akati keni?”

Yowano 18:35

Pilato wakumbulwile ngwendi, “Unayongola ngwove yange nji kaYunda ndi? Vanu vove na vakulunu va vaka-kukombelela vakevo vanakunena kuli yange. Unalingi vika?”

Yowano 6:15

Yesu wazivukile ngeci vashakele kumukwata ngeci vamupwise mwene yavo, ngecivene, waile ku malundu endi lika.

Yowano 8:15

Yeni mukasompo vyuma mu ngila ya vunu, yange kunjesi kusompa munu.

Loma 14:17

Omwo Vumwene vwa Njambi kesi ngwe vunapu vwa vyakulya nakunwa embwe, oloni vunapu vwa vushunga na kwoloka nakujolela mu Munzinzime Wakujela.

1 Timateo 6:13

Ku mesho a Njambi, uje muka-kwana mwonyo ku vyuma vyoshe na ku mesho a Kilistu Yesu, uje waanene vukaleo vwendi ku mesho Pontiyu Pilato, njikushika ngwange,