Yowano 18:33 - Livulu lya Shukulu Kalunga

³³ Pilato wakovelele lalo mu lipela wasanene Yesu wamwihwile ngwendi, “Yove mwene wa vaYunda ndi?”

Yowano 18:33 Iomraidhean Croise

Njelemiya 23:5

Shukulu Kalunga alinakwendeka ngwendi, “Simbu ilinakwija omo njikaangula mwene wa kulongwa wa ku vatekulwila va Ndaviti. Mwene uje akashwana na mana, nakulinga vyavivwa na vushunga mu lifuti mwoshe.

Zefaniya 3:15

Shukulu Kalunga namanesa cihiso ceni, natundisa vitozi veni voshe. Shukulu Kalunga mwene wa Isalele ali amo neni, kukwesi cuma ceka lalo cakumizivisa lyova cai.

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Mateo 27:11

Yesu wemanene ku mesho a Pilato nguvulu wa vaLoma, co wamwihwile ngwendi, “Yove mwene wa vaYunda ndi?” Yesu wamukumbulwile ngwendi, “Muunendeka mukemwo vene.”

Mateo 27:27

Asinoni mashwalale va Pilato vakovelesele Yesu mu lipela lya nguvulu, co mbunga yoshe ya mashwalale vamuzengelekele.

Mako 15:2

Co Pilato wamwihwile ngwendi, “Yove Mwene wa vaYunda ndi?” Co Yesu wamukumbulwile ngwendi, “Omu muunendeka mukemwo vene.”

Luka 23:2

Co vashangumukile kumuvangela ngwavo, “Tunawana ou munalume alinakutangula vanu vetu, alinakuvindika kufweta lisimu kuli Sezale nakulitumbula ikeye vavenya ngwendi ikeye Wakuvwavesa, mwene.”

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

Yowano 12:13

Ngecivene, vatetele minango ya mashakavale vaile nakuliwana nendi, vatambekele ngwavo, “Shangazaleni Njambi! Njambi amuvezikise ou aija mu lizina lya Mwene! Njambi avezikise Mwene ya Isalele!”

Yowano 12:15

“Kesi uzive lyova, nganda ya Siyone! Kenga, mwene yove alinakwija, nalondo a muna cimulu.”

Yowano 18:34

Yesu wakumbulwile ngwendi, “Cihula eci citunda kuli yove vavenya nambe veka vanakuleka vyange?”

Yowano 18:37

Pilato wamwihwile ngwendi, “Ngecivene, kuma yove unapu u mwene ndi?” Yesu wakumbulwile ngwendi, “Omo vene muunendeka ngwove nji mwene. A cuma eci vene njasemukile nakwija ano a kaye kwambulula vushunga. Woshe nakundama ku vushunga atolilila majwi ange.”

Yowano 18:38

Co Pilato wehwile ngwendi, “Vushunga vukevwo vuka?” Asinoni Pilato watuukile lalo anja kuli vanu wendekele kuli vakevo ngwendi, “Kunjawanene cuma cakumwanena mulonga.

Yowano 19:12

Omo Pilato wazivile evi, wakele na cizango cakwecela Yesu. Oloni mbunga vatambekele ngwavo, “Nga umwecela, kesi u musamba wa Sezale! Woshe alipwisa ikeye vavenya mwene napu citozi ca Sezale!”

Yowano 19:3

vezile kuli ikeye vendekele ngwavo, “A vulye Mwene wa vaYunda!” Co vashwenyele kuli ikeye vamupupile vimbanda.

Yowano 19:4

Pilato watuukile lalo anja wendekele ku mbunga ngwendi, “Kengeni, njimutuwisa anja kuli yeni ngeci muzivuke ngweni kunjawanene mulonga wakumuhisa nawo.”

Yowano 19:9

Wakovelele lalo mu lipela, co wehwile Yesu ngwendi, “Utunda kulijo?” Oloni Yesu kamukumbulwile.

1 Timateo 6:13

Ku mesho a Njambi, uje muka-kwana mwonyo ku vyuma vyoshe na ku mesho a Kilistu Yesu, uje waanene vukaleo vwendi ku mesho Pontiyu Pilato, njikushika ngwange,