Yowano 17:5 - Livulu lya Shukulu Kalunga

⁵ Ove Tate! Njane vumpau ku mesho ove ololo, vumpau vuje njakele navwo amo nove simbu kanda utange kaye.

Yowano 17:5 Iomraidhean Croise

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Yowano 10:30

Tate nange twapwa umolika.”

Yowano 14:9

Yesu wakumbulwile ngwendi, “Njinakala neni muvavoshe simbu yakama, oloni kuwanjizivukile, Filipu? Woshe uje nanjimono namono Tate. Omwo vikajo wendeka ngwove, ‘Tumwese Isho’?

Yowano 17:1

Omo Yesu wamanesele kwendeka vyuma evi, wandwile mesho endi kwilu wendekele ngwendi, “Tate, simbu inete. Ana vumpau kuli Munove, ngeci Munove aane vumpau kuli yove.

Yowano 17:24

“Ove Tate! Unavana kuli yange, co njishaka vakale nange kuje kunjili, ngeci vakamone vumpau vwange, vumpau vuje vuwanjanene, omwo wanjizemene simbu kanda vatange kaye.

Yowano 3:13

Naumo wai nai mwilu kuvanga Muna Munu lika uje wezile kutunda mwilu.”

Yowano 8:58

Yesu wakumbulwile ngwendi, “Mwa vushunga njimileka ngwange, simbu kanda Avilahama asemuke, ‘Yange Ou.’ ”

Filipu 2:6

Ikeye simbu yoshe wakele na cifwa ca Njambi, oloni kayongwele kupwa amo na Njambi, cuma cakukakateya.

VaHevelu 1:10

Co ikeye wendekele lalo ngwendi, “Yove, Shukulu Kalunga avushangumukilo watangele kaye, co melu anapu vipangi vya mavoko ove.

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.

1 Petulu 1:20

Njambi wamwangwile simbu kanda vatange kaye, co vamusholwele mu matangwa ano akukotoka omwo yeni.

1 Petulu 1:21

Ali ikeye munakulaela kuli Njambi, uje wamusangwile ku vatsi nakumwana vumpau, ngeci kukulaela kweni na cinyangavili ceni munavyaka ali Njambi.

1 Yowano 1:2

Omo mwonyo ou washolokele, twaumwene, ngecivene, tulinakuwendeka nakumileka vya mwonyo wa myaka yoshe uje wakele amo na Tate, co vatushololwelewo.

Kujombolola 13:8

Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.

Kujombolola 3:21

Kuli vaje vahyana, njikavana moko yakutumbama kuyehi nange a litanda lyange, ngwe omo yange njahyanene, co ololo njinatumbama kuyehi na Tate a litanda lyendi.