Yowano 17:26 - Livulu lya Shukulu Kalunga

²⁶ Njasholwele lizina lyove kuli vakevo, co anga njikalisholola, ngeci cizemo cije wanjizema naco cikale muli vakevo, co nange njikale muli vakevo.”

Yowano 17:26 Iomraidhean Croise

Myaso 22:22

Njikaleka vanu vange vije viwunalingi, njikakushangazala mu cikungulukilo cavo ngwange,

Yowano 14:20

Omo litangwa lije likaija, mukazivuka ngeci yange njili muli Tate neni muli yange, ngwe omo yange njili muli yeni.

Yowano 14:23

Yesu wamukumbulwile ngwendi, “Woshe anjizema ononoke vilongesa vyange. Co Tate akamuzema, co tukaija nakukala muli ikeye.

Yowano 15:15

Kunjimitumbula lalo vangamba embwe, omwo ngamba kazivuka vije vyalinga shukulu yendi. Oloni njimitumbula vasamba, omwo njamileka vyuma vyoshe vije vinjavizivile kuli Tate.

Yowano 15:4

Kaleni muli yange, co nange njikakala muli yeni. Ngwe munango kuwasa kwima vushuka awolika, kuvanga lika nga ukala a mukolovozi. Mu ngila eyi vene neni kumwasa kwima vushuka kuvanga mukale muli yange.

Yowano 15:9

Ngwe omo Tate wanjizema ngecivene, nange njamizema, kaleni mu cizemo cange.

Yowano 17:23

yange muli vakevo nove muli yange, ngeci vapwe vamutunu, ngeci vaka-kaye vazivuke ngwavo kuma yove wanjitumine, co uvazema ngwe omo wanjizema.

Yowano 17:6

“Njinasholola lizina lyove kuli vanu vaje vawanjanene kutunda akati ka vaka-kaye. Vapwile vove, co wanjanenevo. Vanononoka lijwi lyove,

Yowano 17:8

Omwo njavanene muzimbu uje uwanjanene, co vanautambula, co vanazivuka ngeci mwa vushunga yange njatundile kuli yove, co vanakulaela ngeci yove wanjitumine.

Yowano 6:56

Woshe alya muvila wange nakunwa maninga ange akala muli nange, co yange njikala muli ikeye.

Yowano 8:50

Oloni yange kunjishaka kulyana kasingimiko embwe. Kwali umo ashaka, co ikeye akapwa lyaako.

Loma 8:10

Oloni nga Kilistu ali muli yeni, nameme mivila yeni inapu ya kutsa omwo vuvi, oloni Munzinzime napu mwonyo muli yeni omwo vanamipwisa vaka-vushunga ku mesho a Njambi.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

1 Kolinte 12:12

Kilistu wapwa ngwe muvila umo, uje uli na vilyo vyavingi, oloni anga vene muvila umo, nameme vanaupanga mu vilyo vyavingi.

Ngalatiya 2:20

Vananjishukika amo na Kilistu, ngecivene, kesi yange lalo njiyoya embwe, oloni Kilistu ikeye ayoya muli yange. Co mwonyo ou njilinakuyoya nawo ololo, njilinakuyoya akukulaela kuli Muna Njambi, uje wanjizemene, co walyanene ikeye vavenya omwo yange.

Efeso 1:6

Tushangazaleni Njambi ku vumpau vwa kutetela kwendi, omwo a vwana vuje vwanatwana muli Munendi uje yazema!

Efeso 3:17

co njilomba ngwange Kilistu akale mu vimbunge vyeni akukulaela. Njilomba ngwange mushalave mizi na luvula lweni mu cizemo,

Efeso 5:30

omwo tunapu vilyo vya muvila wendi.)

Efeso 5:32

Kuli cisin̄iko ca kulova ca vushunga mu visoneka evi cije cinjinazivuka ngwange cilumbununa vya Kilistu na cikungulukilo.

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

Kolose 2:10

co akukala muli ikeye, yeni vanamyana kushula kwa mwonyo. Ikeye napu mutwe wa minzinzime yoshe ije ilinakushwana na vaka-moko yoshe.

Kolose 3:11

Ngwe a cuma eci, kukwesi kaangu akati ka vaje kesi vaYunda na vaYunda, wakutuuka nambe wakujeneka kutuuka, cipwe vaka-kujeneka kulilongesa, vipapoke, vindungo, nambe vaka-kupatuka, oloni Kilistu ikeye vyoshe, Kilistu ali mu vyoshe.

2 Tesalonika 2:16

Mwene yetu Yesu kilistu vavenya, na Njambi Tatetu, uje watuzemene na mu kutetela kwendi watwanene kutakama kuje kukwesi kutenguluka na cinyangavili cakukola,

VaHevelu 2:12

Nendeka kuli Njambi ngwendi, “Njikaleka vanu vange vije viwunalingi, njikakushangazala mu vikungulukilo vyavo.”

1 Yowano 3:24

Voshe vaje vononoka mashiko a Njambi vayoya muli Njambi na Njambi ayoya muli vakevo. Co omwo ali Munzinzime uje natwana, co tunazivuka ngwetu Njambi ali nakuyoya muli yetu.