Yowano 17:24 - Livulu lya Shukulu Kalunga

²⁴ “Ove Tate! Unavana kuli yange, co njishaka vakale nange kuje kunjili, ngeci vakamone vumpau vwange, vumpau vuje vuwanjanene, omwo wanjizemene simbu kanda vatange kaye.

Yowano 17:24 Iomraidhean Croise

Kushangumuka 45:13

Yenioni mukaleke tate ngweni njili na moko yakama manene mu Ingito, yeni mukamuleke a vyoshe evi mwamono. Zambuleniko ngeci mukamushake.”

Mateo 25:21

Shukulu yendi wamukumbulwile ngwendi, ‘Unalingi mwamuvwa manene, u ngamba wamuvwa wa kulongwa! Walongwele ku vyuma vyavindondo, ngecivene, njikakupwisa muka-kunyunga vimbongo vyavingi. Kovela mukuvwaelela kwa shukulu yove!’

Mateo 25:23

Shukulu yendi wamukumbulwile ngwendi, ‘Unalingi mwamuvwa manene, u ngamba wamuvwa wa kulongwa! Walongwele ku vyuma vyavindondo, ngecivene, njikakupwisa muka-kunyunga vimbongo vyavingi. Kovela mukuvwaelela kwa shukulu yove!’

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Mateo 26:29

Njimileka ngwange, kutunda lelo kunjikanu neni lalo vinyu kuvanga noo a litangwa lije njikanwa neni vyaviha mu Vumwene vwa Tate.”

Luka 12:37

Vanavezika vangamba vaje omo shukulu yavo aija avawana kuvesi mu tulo valinakumukengelela! Mwa vushunga njimileka ngwange, ikeye akalizitika mwiva mu mbunda, akavaleka ngeci vatumbame, co akavana vyakulya.

Luka 23:43

Yesu wamulekele ngwendi, “Mwa vushunga njikuleka ngwange, lelo vene ukakala nange mu Citungu ca Njambi.”

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Yowano 14:3

Co omo njinayi nakumivwaesela kwakukala, njikeluka lalo nakumizila ngecivene, mukakale kuje kunjikakala yange.

Yowano 15:9

Ngwe omo Tate wanjizema ngecivene, nange njamizema, kaleni mu cizemo cange.

Yowano 17:2

Omwo wamwanene moko yakushwana vanu voshe, ngeci aane mwonyo wa myaka yoshe kuli vaje voshe vawamwanene.

Yowano 17:22

Njavanene vumpau ngwevuje vuwanjanene, ngecivene, vapwe umo, ngwe yove nange twapwa umo,

Yowano 17:5

Ove Tate! Njane vumpau ku mesho ove ololo, vumpau vuje njakele navwo amo nove simbu kanda utange kaye.

Yowano 6:37

Woshe uje yananjana Tate aija kuli yange. Co woshe uje aija kuli yange kunjikamusheke,

Yowano 6:39

Co cizango ca uje wanjitumine cinapu kunyunga voshe vaje vananjana ngeci voshe njikavasangwile ku mwonyo a litangwa lyakukotoka.

Yowano 8:58

Yesu wakumbulwile ngwendi, “Mwa vushunga njimileka ngwange, simbu kanda Avilahama asemuke, ‘Yange Ou.’ ”

1 Kolinte 13:12

Evi tulinakumona ololo tuvimona a kalikengelo ngwe kavwivwi, oloni kulutwe tukamona mesho na mesho. Vije njazivuka ololo vinapu vyavindondo, oloni kulutwe vikapwa vyakushula mwa vushunga, vikapwa vyakushula ngwe muje mwananjizivukisilavyo Njambi.

2 Kolinte 3:18

Ngecivene, yetu voshe tulinakusholola vumpau vwa Mwene yetu na vihanga vyakujeneka kufwika, vumpau vuje vumolika vulinakutunda kuli Mwene, ikeye Munzinzime, uje muka-kutwimukisa mu cifwa cendi, mu vumpau vuje vwahyana simbu yoshe.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

2 Kolinte 5:8

Tunasimpi manene ngeci tucili nakushaka manene kutunda mu njuvo ya muvila uno, ngeci tukatumbame na Mwene.

Filipu 1:23

Vananjikokela mu mitambela yoshe eyi ivali. Njishaka manene kuseza mwonyo ou njikakale amo na Kilistu, eci cikeco cinahyana manene,

1 Tesalonika 4:17

asinoni yetu tucili nakuyoya a simbu ije vakatukungulwila amo navo mu mashelwa nakuliwana na Mwene a mukambwila. Co tukakala amo na Mwene simbu yoshe.

1 Petulu 1:21

Ali ikeye munakulaela kuli Njambi, uje wamusangwile ku vatsi nakumwana vumpau, ngeci kukulaela kweni na cinyangavili ceni munavyaka ali Njambi.

1 Yowano 3:2

Vasamba vange vanjazema, yetu ololo tunapu vana va Njambi, oloni kucasholokele mwamuvwa ngeci yetu tukemuka vati. Oloni tunazivuka ngwetu omo Kilistu akasholoka, tukalifwa nendi, omwo tukamumona ngwe muje vene mwaafwa.

Kujombolola 21:22

Co kunjamwene Njuvo ya Shukulu Kalunga mu nganda, omwo Shukulu Kalunga Njambi Muka-nzili yoshe na Muna Manga vapwa Njuvo yamwo.

Kujombolola 3:21

Kuli vaje vahyana, njikavana moko yakutumbama kuyehi nange a litanda lyange, ngwe omo yange njahyanene, co ololo njinatumbama kuyehi na Tate a litanda lyendi.