Yowano 17:21 - Livulu lya Shukulu Kalunga

²¹ Njivalombelela ngeci voshe vapwe umo. Ove Tate! Vakale muli yetu, ngwe omo yove wakala muli yange nange muli yove. Vapwe umo, ngecivene, vaka-kaye vakakulaele ngwavo kuma yove wanjitumine.

Yowano 17:21 Iomraidhean Croise

Njelemiya 32:39

Njikavana ciyongola cimo mukuyoya kwavo, mukunjisingimika simbu yoshe, omwo a vuvwa vwavo, na a vuvwa vwa vatekulwila vavo.

Zefaniya 3:9

“Asinoni njikatengulula vimbunge vya vanu, co vakalombela lika kuli yange, kesi ku vinjambi veka lalo embwe. Co voshe vakanjononoka.

Zakaliya 14:9

Asinoni Shukulu Kalunga akapwa mwene wa ano asi oshe, co munu woshe akalemesa kupwa Njambi nakumuzivuka a lizina lyendi.

Mako 3:24

Nga vumwene vulyangunuka mu vimunga vije vililwisa akati kavyo, vumwene vuje vukanyonga.

Yowano 10:16

Co kuvali lalo vimanga veka vaje vanapu vange vakevo kesi va mu limba lino. Njinapande kuvanena lalo, vakaziva lijwi lyange, ngecivene, vakapwa vutanga vumo na kanyungi lalo umo.

Yowano 10:30

Tate nange twapwa umolika.”

Yowano 10:38

Oloni nga njilinakuvilinga, nameme kumunjikulaela, oloni munapandele kukulaela vipangi vyange, co muzivuke ngweni Tate ali muli yange, co nange lalo njili muli Tate.”

Yowano 11:42

Njinazivuka ngwange simbu yoshe ukanjizivi, oloni njendeka eci omwo mbunga eyi inemana kuno, vakulaele ngeci yove wanjitumine.”

Yowano 13:32

Co nga vumpau vwa Njambi vavusholola muli ikeye, asinoni Njambi akasholola vumpau vwa Muna Munu muli ikeye, co akalinga eci a simbu imolika.

Yowano 13:35

Nga mulizema umo na mukwavo, asinoni voshe vakazivuka ngeci mu vandongisi vange.”

Yowano 17:11

Co ololo njilinakwija kuli yove, kunjesi ano a kaye lalo, oloni vakevo vali ano a kaye. Ove Tate wakujela! Vanyunge mu kwoloka na nzili ya lizina lyove, lizina lije liwanjanene, ngeci vapwe umo ngwe yove nange twapwa umo.

Yowano 17:18

Njavatumine ano a kaye, ngwe omo yove wanjitumine ano a kaye.

Yowano 17:20

“Kunjilombelela lika vakevo, oloni naveka lalo vaje vakulaela kuli yange omwo vukaleo vwavo.

Yowano 17:25

Yove Tate wa vushunga! Vaka-kaye kuvakuzivuka, oloni yange njikuzivuka, co ava vazivuka ngeci yove wanjitumine.

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Yowano 17:8

Omwo njavanene muzimbu uje uwanjanene, co vanautambula, co vanazivuka ngeci mwa vushunga yange njatundile kuli yove, co vanakulaela ngeci yove wanjitumine.

Yowano 3:17

Omwo Njambi katumine Munendi ano a kaye nakuhisa vaka-kaye embwe, oloni apwe Muyoyesi wavo.

Yowano 5:23

ngeci voshe vasingimike Mwana ngwe muvakasingimika Ishe. Uje kasingimika Mwana kasingimika Ishe uje wamutumine.

Vilinga vya Miluwa 2:46

Co a litangwa na litangwa valikungulwile mu Njuvo ya Shukulu Kalunga, co valile vyakulya amolika mu vinjuvo vyavo, vakele nakulya na vimbunge vyakujolela na kulikeesa,

Vilinga vya Miluwa 4:32

Mbunga ya vaka-kukulaela vakele na mbunge imolika na viyongola vimolika, naumo wai watumbwile vyuma vyendi vije vyafukile kupwa vyendi, oloni valipangezelele vyoshe vyavo vije vivakele navyo.

Loma 12:5

Mu ngila eyi vene, nambe tunapu tuvavangi, tunapu muvila umolika muli Kilistu, co yetu voshe vanatunungila kuli umo na mukwavo ngwe kulyangunuka kwa vilyo vya muvila umolika.

1 Kolinte 1:10

Njimilambelela vavusamba vange, na moko ya Mwene yetu Yesu Kilistu ngwange, lizivasaneni mu vyoshe vimwendeka, ngeci kesi kukakale kulyangunuka akati keni. Oloni litomboleni mwamuvwa, na viyongola vimo na cizango cimo.

1 Kolinte 12:12

Kilistu wapwa ngwe muvila umo, uje uli na vilyo vyavingi, oloni anga vene muvila umo, nameme vanaupanga mu vilyo vyavingi.

1 Kolinte 6:17

Oloni uje alikumbasana na Mwene apwa mumolika nendi mu munzinzime.

Ngalatiya 3:28

Ngecivene, kukwesi kulyangunuka akati ka vaYunda na vaje kesi vaYunda, akati ka vindungo na vanu vakupatuka, akati ka vanalume na vanakazi, yeni voshe munapu mumo muli Kilistu Yesu.

Filipu 1:27

Ngecivene, cuma cakama manene eci, myonyo yeni iyoye ngwe muushaka muzimbu wauvwa wa Kilistu, ngeci nambe njasa kwija nakumimona nambe embwe, njakuziva ngeci munemana mbe a vutumbe vuno, co na cizango cimolika mulinakulwa amolika akukulaela a muzimbu wauvwa.

1 Yowano 1:3

Vije tunamono nakuziva tulinakumilekavyo lalo, ngeci mulipandakane amo netu mu kulitombola kuje tulinakwo na Tate na Munendi Yesu Kilistu.

1 Yowano 5:7

Co Munzinzime nasholola vukaleo ngwendi eci cinapu vushunga, omwo Munzinzime wapwa vushunga.