Yowano 17:17 - Livulu lya Shukulu Kalunga

¹⁷ Vakundike kuli yove vavenya mu vushunga, lijwi lyove lyapwa vushunga.

Yowano 17:17 Iomraidhean Croise

2 Samwele 7:28

“Co ololo, Shukulu Kalunga wa Akamwa ya Vyoshe, yove unapu Njambi, wanyunga vikulaeso vyove simbu yoshe, unalingi cikulaeso cakukomokesa kuli yange.

Myaso 119:104

Mashiko ove anjipwise muka-kuzivisisa, ngeci njizinde vyuma vyoshe vyavivi.

Myaso 119:11

Mashiko ove njinaanyungu mu mbunge yange, ngeci kesi njivulumune kuli yove.

Myaso 119:144

Vizilika vyove vyapwa vya vushunga ku myaka yoshe, njane mana akuvizivuka ngeci njiyoye.

Myaso 119:160

Majwi ove oshe apwa a vushunga, mashiko ove oshe apwa a vushunga ku myaka yoshe.

Myaso 119:9

Mukwenje asa kuyoya vatijo yoyesi yakujela? Mukwononoka mashiko ove Shukulu Kalunga.

Myaso 12:6

Vikulaeso vya Shukulu Kalunga vyapwa vya vushunga, vinapu vyavivwa ngwe siliva yakujelesa mu lutengo visimbu vitanu na vivali.

Luka 8:11

“Omu mukemwo mucalumbunukila cisimo, vimbuto vinapu lijwi lya Njambi.

Luka 8:15

Co vimbuto vije vyawililile ku livu lya vwilo vinemanena vaje vaziva lijwi nakulinyunga na mbunge yaivwa yakwononoka, co vakakateya noo vaima vushuka.

Yowano 15:3

Yeni munajele laja alijwi lije njendekele kuli yeni.

Yowano 17:19

Co omo ali vakevo njilikundika yange vavenya kuli yove, ngeci na vakevo lalo valikundike mu vushunga kuli yove.

Yowano 8:32

co mukazivuka vushunga, co vushunga vukamipatula.”

Yowano 8:40

Oloni cuma cimolika cinjinalingi cinapu kumileka vushunga vunjazivile kuli Tate, oloni yeni mushaka kunjitsiya. Avilahama kalingile cuma ngwe eci embwe!

Vilinga vya Miluwa 15:9

Co kamwesele kaangu akati ketu na vakevo, oloni wavasambesele ku vivi vyavo omwo vakulaelele.

2 Kolinte 3:18

Ngecivene, yetu voshe tulinakusholola vumpau vwa Mwene yetu na vihanga vyakujeneka kufwika, vumpau vuje vumolika vulinakutunda kuli Mwene, ikeye Munzinzime, uje muka-kutwimukisa mu cifwa cendi, mu vumpau vuje vwahyana simbu yoshe.

Efeso 4:21

Mwa vushunga yeni mwaziva laja vya ali ikeye, co akupwa vaka-kumukava vamilongesele vushunga vuje vuli muli Yesu.

Efeso 5:26

Walingile eci mukukundika cikungulukilo kuli Njambi na lijwi lyendi, anima yakucijelesa akucijwelesa mu mema,

2 Tesalonika 2:13

Tunapande kukandelela kuli Njambi simbu yoshe ali yeni, vakwetu, yeni vaje vaazema Mwene. Omwo Njambi wamyangwile kupwa vakulivanga kukwamena a nzili ya Munzinzime nakumipwisa vanu vendi vakujela, na akukulaela kweni mu vushunga.

Yakomba 1:21

Ngecivene, umbileni kuti vyuma vyoshe vije vinapu vya mazilo na vilinga vyavivi. Likeeseni kuli Njambi nakutambula lijwi lije akuna mu vimbunge vyeni, lije lyasa kumyovola.