Yowano 17:12 - Livulu lya Shukulu Kalunga

¹² Simbu njakele navo, njavanyungile mu kwoloka na nzili ya lizina lyove, lizina lije liwanjanene. Njavanyungile mu kwoloka, naumo wai wavo wazimbalele, kuvanga lika munalume uje ivatumbwilile kunyonga, ngeci visoneka vipwe vya vushunga.

Yowano 17:12 Iomraidhean Croise

Myaso 41:9

Nameme musamba wange vene wa a mbunge, uje njakulaelele manene, nanjitengulukila nakunjilwisa.

Yowano 13:18

“Kunjesi nakwendeka yeni voshe embwe, njinazivuka vaje njinaangula. Oloni visoneka vipwe vya vushunga omo vyendekele ngwavyo, ‘Munu uje walile vyakulya nange nemuka citozi cange.’

Yowano 17:6

“Njinasholola lizina lyove kuli vanu vaje vawanjanene kutunda akati ka vaka-kaye. Vapwile vove, co wanjanenevo. Vanononoka lijwi lyove,

Yowano 18:9

(Wendekele evi ngeci vije vyendekele vipwe vya vushunga ngwendi, “Tate, voshe vaje vawanjaanene naumo wai injinazimbalesao.”)

Yowano 6:37

Woshe uje yananjana Tate aija kuli yange. Co woshe uje aija kuli yange kunjikamusheke,

Vilinga vya Miluwa 1:25

ngeci apange vipangi vya muluwa mu mwela wa Yundasa, uje waasezele nakuya ku mutambela wendi.”

Filipu 2:9

Omwo a cuma eci Njambi wamwimikile nakumwaka a mwela wa akama, nakumwana lizina lyakama kuhyana lizina lyoshe.

2 Tesalonika 2:3

Kesi mutave umo amikwise mu ngila yeka lalo embwe. Omwo Litangwa lije kulikaija ngoco kuvanga noo Kutengulukila kwa mamaneselo kunaija na uje Muka-vuvi nasholoka, uje vemikila kuya ku Mbulu ya tuhya.

VaHevelu 2:13

Co lalo wendekele ngwendi, “Njikakukulaela Njambi.” Co nendeka lalo ngwendi, “Njili amo na vana vaje vananjana Njambi.”

1 Yowano 2:19

Mwa vushunga vene, vanu ava kuvakundamene ku mbunga yetu, omu mukemwo muvatundilile kuli yetu, nga vakevo vakundamene ku mbunga yetu, nga vali netu amo. Oloni vatusezele ngeci cipwe cakutungukwa ngeci naumo wai wavo wakundamene ku mbunga yetu.

Kujombolola 19:12

Mesho endi afwile ngwe milangi ya tuhya, co wazalele vilongo vyavingi ku mutwe wendi. Vamusonekele lizina lije naumo wai walizivukile kuvanga ikeye vavenya lika.