Yowano 17:11 - Livulu lya Shukulu Kalunga

¹¹ Co ololo njilinakwija kuli yove, kunjesi ano a kaye lalo, oloni vakevo vali ano a kaye. Ove Tate wakujela! Vanyunge mu kwoloka na nzili ya lizina lyove, lizina lije liwanjanene, ngeci vapwe umo ngwe yove nange twapwa umo.

Yowano 17:11 Iomraidhean Croise

Myaso 79:9

Tukwase nakutwamena yove Njambi, tupatule nakutusambesa, omwo lizina lyove.

Visimo 18:10

Shukulu Kalunga wapwa cimpaka ca nzili, muka-vushunga atewelako, co akovoka.

Isaya 27:3

“Njicinyunga nakutukumwinamo mema simbu yoshe. Njikacinyunga vutsiki na mutanya ngeci kesi vaciviise.

Isaya 64:2

Pwa ngwe tuhya tuje tutupwisa mema. Ija usholole nzili yove kuli vitozi vove, na miyati ya vanu vajaje omwo uli kuyehi navo!

Njelemiya 14:21

Anuka vikulaeso vyove, co kesi utuyeluwise, kesi uzivise shwamwa Yelusalema mwela uje wa litanda lyove lya vumpau. Kesi upokole cikumiiyo cije walikumiiye netu.

Njelemiya 14:7

Vanu vange vanjililila ngwavo, ‘Nameme vuvi vwetu vutuhisa, oloni Shukulu Kalunga tukwase ngwe omo watukulaesele. Tunakukengesa nima visimbu vyavingi, tunalingi vuvi ku mesho ove.

Ezekiyele 20:22

Oloni kunjalingilemo, nga njalingilemo, nga lizina lyange lyashaukile akati ka miyati ya vanu vaje vanjimwene njitwamenena vaIsalele kutunda mu Ingito.

Ezekiyele 20:44

Omo njikalinga mukunyunga kasingimiko kange, co mukazivuka ngeci yange njapwa Kalunga, njinalingi neni omwo lizina lyange, kesi ngwe omwo vingila vyeni vyavivi nambe ngwe omwo vilinga vyeni vyavivi vije munalingi yeni muyati wa Isalele.” Mwanendeka Shukulu Kalunga wa Akamwa ya Vyoshe.

Ezekiyele 20:9

Oloni kunjalingilemo, nga njalingilemo, nga lizina lyange lyashaukile, omwo ku mesho a vanu vaje vakele nakukala amo kuje, njambulwile ngwange njikatundisa Isalele mu Ingito.

Mateo 10:16

“Kengeni, njilinakumituma ngwe vimanga akati ka tungunga. Ngecivene, nyanyameni ngwe manyoka, co likongomekeni ngwe mayembe.

Mateo 5:48

Ngecivene, munapande kupwa vakujela ngwe Ishweni ali mwilu wapwa wakujela.

Mateo 6:9

Omu mukemwo mumunapande kulomba, ngweni, ‘Tatetu uli mwilu, valemese lizina lyove,

Yowano 13:1

Simbu litangwa lya Ciwano ca Pasovala kanda lyete, Yesu wazivukile ngeci simbu yendi inete yakutunda muno mu kaye nakuya kuli Ishe. Ikeye wazemene vaje vakele muno mu kaye vaje vapwile vendi, co wavazemene na akukotoka.

Yowano 13:3

Yesu wazivukile ngeci Ishe namwana nzili yoshe, co wazivukile ngeci watunda kuli Njambi, co alinakuya kuli Njambi.

Yowano 14:20

Omo litangwa lije likaija, mukazivuka ngeci yange njili muli Tate neni muli yange, ngwe omo yange njili muli yeni.

Yowano 16:28

Njatundile kuli Tate, co njezile ano a kaye, co ololo njilinakutunda ano a kaye njilinakuya kuli Tate.”

Yowano 16:33

Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

Yowano 17:23

yange muli vakevo nove muli yange, ngeci vapwe vamutunu, ngeci vaka-kaye vazivuke ngwavo kuma yove wanjitumine, co uvazema ngwe omo wanjizema.

Yowano 17:25

Yove Tate wa vushunga! Vaka-kaye kuvakuzivuka, oloni yange njikuzivuka, co ava vazivuka ngeci yove wanjitumine.

Yowano 17:6

“Njinasholola lizina lyove kuli vanu vaje vawanjanene kutunda akati ka vaka-kaye. Vapwile vove, co wanjanenevo. Vanononoka lijwi lyove,

Yowano 7:33

Yesu wendekele ngwendi, “Njikakala neni kasimbu kakandondo lika, co asinoni njikaya kuli uje wanjitumine.

Vilinga vya Miluwa 3:21

Napande kukala mwilu noo simbu ikaija omo vyuma vyoshe vikapwa vyaviha, ngwe mwendekele Njambi ali vaka-kwimanena vendi vakujela vakeleko laja.

Loma 12:5

Mu ngila eyi vene, nambe tunapu tuvavangi, tunapu muvila umolika muli Kilistu, co yetu voshe vanatunungila kuli umo na mukwavo ngwe kulyangunuka kwa vilyo vya muvila umolika.

Loma 9:17

Omwo visoneka vyendeka kuli mwene wa Ingito ngwavyo, “Njakupwisile mwene ngeci njikupangese mukusholola nzili yange nakutsimanesa lutsimo lwange mu kaye mwoshe.”

1 Kolinte 1:10

Njimilambelela vavusamba vange, na moko ya Mwene yetu Yesu Kilistu ngwange, lizivasaneni mu vyoshe vimwendeka, ngeci kesi kukakale kulyangunuka akati keni. Oloni litomboleni mwamuvwa, na viyongola vimo na cizango cimo.

Ngalatiya 3:28

Ngecivene, kukwesi kulyangunuka akati ka vaYunda na vaje kesi vaYunda, akati ka vindungo na vanu vakupatuka, akati ka vanalume na vanakazi, yeni voshe munapu mumo muli Kilistu Yesu.

Efeso 4:4

Kuli muvila umo na Munzinzime umo, ngwe ngeci mukuli cinyangavili cimo kuje Njambi namisanena.

Filipu 2:9

Omwo a cuma eci Njambi wamwimikile nakumwaka a mwela wa akama, nakumwana lizina lyakama kuhyana lizina lyoshe.

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.

VaHevelu 9:24

Omwo Kilistu kakovelele mu Mwela Wakujela wakutunga kuli vanu embwe, uje vatembunwinine ku uje wa vushunga. Ikeye waile mwilu, kuje nasholoka mukutwimanena ku mesho a Njambi.

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.

1 Petulu 1:5

Vinapu vyeni, akukulaela vanaminyungilavyo mwamuvwa na nzili ya Njambi yakwovoka ije inalivwaesela kusholoka a simbu yakukotoka.

1 Yowano 3:12

Kutwapandele kupwa ngwe Kaini, ikeye wakundamene kuli Uje Liyavola, co watsiile shongo yendi Avele. Omwo vikajo Kaini wamutsiile? Omwo Kaini walingile vyuma vyavivi, oloni vyuma vije vyalingile ndolome yendi Avele vyapwile vyavivwa.

1 Yowano 5:19

Twazivuka ngwetu tunakundama kuli Njambi nambe kaye koshe kali mu nzili ya Uje Liyavola.

Yunda 1:1

Mukanda wakutunda kuli Yunda, ngamba ya Yesu Kilistu, ikeye lalo ndolome ya Yakomba. Kuli vaje vavanasana kuli Njambi, vaje vayoya mu cizemo ca Njambi Tate namukunyunga kwa Yesu Kilistu.

Yunda 1:24

Co ololo kuli uje asa kuminyunga kutewa mutanuka, nakuminena nakujolela ku vumpau vwendi kujeneka mulonga,

Kujombolola 15:4

Iyajo kasa kukukomoka yove Shukulu Kalunga? Iyajo avyana kushangazala vukama vwove? Yove lika wapwa wakujela! Miyati yoshe ya vanu vakaija nakukulemesa, omwo vilinga vyove vya vushunga vinasholoka kuli vanu voshe.”

Kujombolola 19:12

Mesho endi afwile ngwe milangi ya tuhya, co wazalele vilongo vyavingi ku mutwe wendi. Vamusonekele lizina lije naumo wai walizivukile kuvanga ikeye vavenya lika.

Kujombolola 4:8

Umo na umo wa vaje vikashama vawana vakuyoya wakele na mambava atanu na limo, co oshe akele na mesho, mukati na anja. Vakevo kuvalikelele kwimba vutsiki na mutanya ngwavo, “Wakujela, wakujela, wakujela, ikeye Shukulu Kalunga Njambi Muka-nzili yoshe, uje wakeleko, uje aliko, na uje akaija.”