Yowano 17:10 - Livulu lya Shukulu Kalunga

¹⁰ Vyoshe njilinavyo vyapwa vyove, co vyoshe ulinavyo vyapwa vyange, co vumpau vwange vulinakusholoka muli vakevo.

Yowano 17:10 Iomraidhean Croise

Yowano 10:30

Tate nange twapwa umolika.”

Yowano 11:4

Oloni omo Yesu wazivile evi, wendekele ngwendi, “Kuvinja oku kukumutwala ku kutsa embwe, eci cinalingiwa lika ngeci cisholole vumpau vwa Njambi, ngecivene, inapu ngila ije Muna Njambi akatambwilamo vumpau.”

Yowano 12:23

Co Yesu wavakumbulwile ngwendi, “Simbu inete omwo Muna Munu atambule vumpau.

Yowano 5:23

ngeci voshe vasingimike Mwana ngwe muvakasingimika Ishe. Uje kasingimika Mwana kasingimika Ishe uje wamutumine.

Vilinga vya Miluwa 19:17

Co vaYunda voshe na vaje kesi vaYunda vaje vakele mu Efeso vazivile cuma eci, co vakele na lyova, co lizina lya Mwene Yesu valisingimikile manene.

Ngalatiya 1:24

Co vashangazalele Njambi omwo yange.

Filipu 1:20

Cizango cange cakama na cinyangavili cange ngeci kunjikajuka mu vipangi vyange, oloni ku visimbu vyoshe, vunene vene a simbu ino, njikashula nakusimpa kwoshe, ngeci muvutunu vwange vwoshe njikane kasingimiko kuli Kilistu, nambe njitsa nambe njiyoya.

Kolose 2:9

Omwo kushula kwa vu Njambi vwoshe vwakala muli Yesu, mu vunu vwendi,

2 Tesalonika 1:10

omo akaija a Litangwa lije nakutambula vumpau kuli vanu vendi voshe na kalemeso kuli voshe vaje vanakulaela. Neni lalo mukakala akati kavo, omwo neni lalo munakulaela lijwi lije twamilekele.

2 Tesalonika 1:12

Mu ngila eyi vene lizina lya Mwene yetu Yesu valishangazale ali yeni, neni lalo ali ikeye, a kutetela kwa Njambi yetu na Mwene Yesu Kilistu.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.