Yowano 16:7 - Livulu lya Shukulu Kalunga

⁷ Oloni mwa vushunga njimileka ngwange, mwamuvwa kuli yeni ngeci yange njiye, omwo nga kunjii, Mukwasi kakaija kuli yeni. Oloni nga njiya, co njikamutuma kuli yeni.

Yowano 16:7 Iomraidhean Croise

Myaso 68:18

Omo walondele a munkinda waulaja, waile na vinzinda vavangi, co watambwile vwana kuli vanu vaka-kutengulukila. Shukulu Kalunga Njambi akakala kuje.

Luka 24:49

Yange njikatuma kuli yeni vije vyanjikulaese Tate. Oloni munapande kuvandamena mu nganda noo nzili yakutunda kwilu inaija ali yeni.”

Luka 4:25

“Njitolilileni, mwa vushunga njimileka ngwange, mu Isalele mwakele vifwile vavangi a matangwa a Elinja, omo nyonzi kuyanyokele myaka itatu na vingonde vitanu na imo, co kwakele njala ya lyangengela mu lifuti lyoshe.

Luka 9:27

Mwa vushunga njimileka ngwange, kuli vamo kuno, kuvakatsi kuvanga vanamono Vumwene vwa Njambi.”

Yowano 14:26

Oloni Mukwasi, ikeye Munzinzime Wakujela, uje yakatuma Tate mu lizina lyange, akamilongesa vyuma vyoshe nakumyanukisa vyuma vyoshe vije vinjinamileka.

Yowano 14:28

Mwanjizivile munjendekele kuli yeni ngwange, ‘Njilinakumiseza, oloni njikaija kuli yeni.’ Nga mwanjizema, nga mwavwaelela omwo njilinakuya kuli Tate, omwo Tate wapwa wakama kutuvakana yange.

Yowano 14:3

Co omo njinayi nakumivwaesela kwakukala, njikeluka lalo nakumizila ngecivene, mukakale kuje kunjikakala yange.

Yowano 15:26

“Oloni omo Mukwasi akaija, ikeye Munzinzime, uje akasholola vushunga vwa ali Njambi, akaija kutunda kuli Tate. Njikamutuma kuli yeni kutunda kuli Tate, co akendeka vukaleo vwange.

Yowano 16:8

Co omo akaija, akavayesa vaka-kaye a vuvi, na a vushunga, na a cihiso ca Njambi.

Yowano 7:39

Yesu wendekele evi ali Munzinzime Wakujela uje uvakatambula vaje vanakulaela kuli ikeye. A simbu ije Munzinzime Wakujela te kanda vacimutambule, omwo Yesu te kanda asanguke ku vumpau.

Vilinga vya Miluwa 10:34

Co Petulu washangumukile kwendeka ngwendi, “Mwa vushunga vene njinamono ngwange Njambi kesi na kahangu.

Vilinga vya Miluwa 2:33

Ikeye namusangwila ku livoko lya cilyo lya Njambi, Ishe, co natambula Munzinzime Wakujela kuli ikeye, ngwe muje mwakulaesele. Vije mulinakumona ololo nakuziva vinapu vwana vwendi vuje netila ali yetu.

Loma 8:28

Tuzivuka ngeci mu vyuma vyoshe Njambi akapanga mwamuvwa na vaje vamuzema, vaje vaanasana ku cizango cendi.

2 Kolinte 4:17

Co otu tuyando twetu twatundondo lika ngwe twa kasimbu lika nakutunenela vumpau vwa myaka yoshe, vuje vwakama manene kutuvakana tuyando.